SÁBEŃ BÚGIN DE ARAMYZDA

Bıyl qazaq ádebıetiniń klas­sı­gi, akademık-jazýshy Sábıt Mu­qanovtyń týǵanyna 110 jyl tolmaq. Osyǵan oraı  Alma­ty­da­ǵy Abaı atyndaǵy Qazaq ult­tyq pedagogıkalyq ýnıver­sı­tetinde “Asa kórnekti jazýshy, ǵalym, memleket jáne qoǵam qaıratkeri Sábıt Muqanovtyń shyǵar­ma­shy­lyǵy jáne qazaq ádebıetin oqytý men zertteýdiń máseleleri” atty halyqaralyq ǵylymı-tájirıbelik konferensııa bolyp ótti. Konferensııanyń plenarlyq májilisinde Sábıt Muqanovtyń  ómiri men shyǵarmashylyǵy haqynda, keshegi keńestik kezeń men búgingi táýelsizdik dáýirindegi onyń shyǵarmalaryna degen kózqarastar jóninde, halyq júreginen berik oryn alǵan týyndylarynyń kórkemdik qyrlary týraly, urpaq ıgiligine aınalatyn rýhanı qazynanyń mańyzy men máni, jazýshylyq sheberliktiń qupııalary  jaıynda belgili ádebıet zertteý­shileri Serik  Qırabaev, Tursynbek Kákishev, Temirhan Tebegenov, Tóken Jumajanov, Serik Maq­pyr­uly,  tarıhshy Mámbet Qoıgeldi, túrkııalyq ǵalym Shaban Aıdoǵdy, S.Muqanov pen Ǵ.Músirepovtiń memlekettik ádebı-memorıaldyq mýzeı kesheniniń dırektory Ádil­ǵazy Qaıyrbekov jáne taǵy basqalar ǵylymı oı-tujy­rym­daryn ortaǵa salyp, pikir bólisti. “S.Muqanovtyń kórkemdik álemi”, “Akademık S.Muqanov – kórnekti synshy, ádebıet zertteýshisi”, “Sábıt Muqanov shyǵarma­shylyǵyn, keńes jáne qazirgi dáýir shyǵarmalaryn orta jáne joǵary mektepterde oqytý máseleleri” degen taqyryptar boıynsha sek­sııalyq májilisterde elýge jýyq baıandamalar qamtylǵan. Kon­ferensııa materıaldary aldaǵy ýaqytta jeke jınaq bolyp jaryq kórmek. Rashıda OTAROVA.