Búginnen bastap Qyzylorda qalasynda taksı qyzmeti ýaqytsha toqtady. Bul týraly oblystyq jumyldyrý daıyndyǵy basqarmasynyń basshysy Qaıratbek Sársenbaev habarlady.
-Oblystyń bas sanıtarlyq dárigeriniń 30 naýryz kúni qabyldaǵan № 4 qaýlysyna ózgeris engizilip otyr. Osyǵan sáıkes, búginnen bastap Qyzylorda qalasy aýmaǵynda taksı qyzmeti toqtaıdy. Kólikterdiń qaladan shyǵýyna da tyıym salynady. О́mirlik qajettilikti qamtamasyz etetin, azyq-túlik, dári-dármek tasymaldaıtyn, jedel járdem, órt sóndirý kólikterine kedergi joq. Sonymen qatar, qoǵamdyq kólik 6:00-20:00 aralyǵynda qatynaıdy, – dedi basqarma basshysy.
Aýdan ákimderi bul másele boıynsha óz betinshe sheshim qabyldaıdy. Basqarma basshysy taksı qyzmetine salynǵan toqtam 14 kúnge sozylatynyn aıtyp ótti.