Jaqynda Dúnıejúzilik densaýlyq saqtaý uıymy koronavırýs tirkelmegen elderdi atady. Bul týraly «Fars news» agenttigi habarlady.
Habarlamada aıtylǵandaı, Tájikstan men Túrkimenstan - Ortalyq Azııadaǵy koronavırýs tirkelmegen elder. TMD-nyń basqa elderinde bul vırýs tez taralýda.
Tájikstan men Túrkimenstannan basqa, sondaı-aq Soltústik Koreıa men Iemende koronavırýs tirkelgen joq.
Newsweek jýrnalynyń zertteýine júginsek, koronavırýs bir-aq adamnan tabylǵan elderdi Afrıka men Tynyq muhıttan kezdestirýge bolady. Soltústik Koreıaǵa jete qoımaǵan. Qytaımen, Ońtústik Koreıamen shektesetin Soltústik Koreıa - jańa koronavırýstyń jolyn bógeý úshin óz shekarasyn jaýyp, antı-epıdemııalyq sharalardy qolǵa alǵan alǵashqy elderdiń biri. Ońtústik Sýdanda áli kezdesken joq. Bul sýb-Saharalyq memlekette azamattyq soǵys ótken aıda ǵana aıaqtalyp, jaýlasýshy taraptar birlik týraly kelisimge qol qoıdy. Afrıkanyń ózge bir jerlerinde, mysaly, Botsvana men Lesotoda da COVID-19 ázirge anyqtalmaı otyr. Aıta ketý kerek, bul memleketter koronavırýs epıdemııasy juqtyrǵandar sany 1000-ǵa jýyqtaǵan Ońtústik Afrıka Respýblıkasymen shekaralas.
Bul dıagnoz osy aımaqtaǵy Kýk jáne Marshall araldarynyń, Mıkronezııa men Naýrýdyń, Palaý men Samoanyń, Solomon araldary men Tývalýdyń, Vanýatýdyń birde-bir turǵynyna qoıylmapty. Osy elderdiń kóbi búginde álemniń eń baqýatty, eń iri degen memleketteriniń ózinde densaýlyq saqtaý júıesine kúıreý qaýpin tóndirip turǵan vırýstyń jolyn bógeý úshin shekaralaryn meılinshe japty.
DDU-nyń Tájikstandaǵy ókili Galına Perfılıeva elde koronavırýstyń joqtyǵyn resmı túrde málimdedi. «Tájikstanda nelikten koronavırýstyń birde-bir oqıǵasy joq degen suraqqa birde-bir jaýap joq. Munyń sebebin anyqtaý qıyn» dedi Perfılıeva Sputnik Tájikstanǵa.
«Búgingi kúni, , Tájikstanda Kovıd-19 (koronavırýs) týraly birde-bir oń jaǵdaı tirkelgen joq» deıdi ol.
DDU ókiliniń aıtýynsha, Tájikstanda koronavırýs týraly 700-den astam zertteý júrgizilgen, olardyń barlyǵy teris.
Elge test júıeleriniń negizgi jetkizýshisi - Reseı. Rospotrebnadzor Tájikstanǵa 23 myń test júıesin jiberdi. Germanııa taǵy bir myńyn berdi. Qytaımen kelissózder de jalǵasýda.
Sarapshylar Tájikstannyń geografııalyq ornalasýy pandemııanyń áseriniń álsiretip otyrǵanyn aıtady. Reseı, Qazaqstan, О́zbekstannyń shekarasyn jabýy tájik eline áserin bergen. Basqasha aıtqanda TMD-daǵy kórshileri dertten qorǵaný úshin esigin jaýyp úlgirgenshe, tájikter esin jıyp, saqtyq sharalaryn kóbeıtti. Shettten kelgenderdiń bárin eldiń shekarasynda kútip alyp, karantınge jatqyzdy. Kúdiktilerdi de oqshaýlap, tekserýden ótkizdi. Sóıtip derttiń el ishinde dendep enýine múmkindik bermeı, tabaldyryǵynan da attatqan joq.
Sarapshylar osy rette tájik elinde shetelge baryp demalatyn jaǵdaıy bar azamattardyń óte az ekenin aıtady. Sol sebepti bul derttiń ımporttalyp kelý múmkindigin nól dese de bolady.
DSU málimeti boıynsha, koronavırýstar, birinshi kezekte, 65 jastan asqan qart adamdar, sozylmaly aýrýlary bar adamdar, júkti áıelder men ımmýn tapshylyǵy bar azamattarǵa juqtyrý qaýpin tóndiredi. Al tájik eli, salystyrmaly túrde qaraǵanda jas memleket. Halyqtyń kóp bóligi jastar men balalar.
Al jastarda vırýspen aýyrǵanmen, onyń aǵzaǵa terendep taralýyna mumkindik bermeıdi. Aǵzaǵa engen dertti jastyǵymen jeńedi
Naýryz aıynyń sońǵy kúnderi karatınge jabylǵan tájik mektepteri 1 sáýirden bastap qaıta jumys istep jatyr.