Atyraý oblysynda blok-beketterdi aınalyp ótýge umtylǵan alty adamnyń biri О́zbekstan Respýblıkasynyń azamaty eken.
«Atyraýda 2 sáýirde túngi 00.30 shamasynda О́zbekstan Respýblıkasynyń 1986 jyly týǵan azamaty Almaly-Taldykól selolary arasyndaǵy qara joldan Inder aýdany baǵytyna jaıaý ótpekshi bolǵan. Ustalǵan azamatqa qatysty QR Ákimshilik quqyqbuzýyshylyq týraly Kodeksiniń 476-babyna sáıkes hattama toltyryldy. Sot qaýlysymen shetel azamaty bes táýlik qamaldy» - dep habarlady oblystyq polısııa departamentiniń baspasóz qyzmeti.
Polısııa qyzmetkerleri keshe tańerteńgi saǵat 08.20-da Almaly blok-beketinen tysqary qara jolmen kele jatqan «Toyota Camry» kóligin toqtatqan. Kólikti basqarǵan 1987 jylǵy júrgizýshige tótenshe jaǵdaı rejımin buzǵany úshin hattama toltyrylyp, ol Atyraý qalasynyń mamandandyrylǵan ákimshilik sotymen qaýlysymen 3 táýlikke qamaýǵa alyndy.
Sondaı-aq blok-beketterge soqpaı, qııalaı ótetin qara jolda ustalǵan tórt kólik júrgizýshisine Qazaqstan Respýblıkasynyń Ákimshilik quqyqbuzýshylyq týraly Kodekstiń 476-babymen hattamalar toltyrylyp, is sotqa joldandy.
Jumasat ǴAZIZ