Elorda ákimdiginde blok-beketter arqyly kásipkerlerge Nur-Sultan qalasynyń aýmaǵyna ótý úshin qandaı qujattardyń qajet ekendigi aıtyldy, dep habarlady qalalyq ákimdiktiń baspasóz qyzmeti.
«Blok-beketter arqyly Nur-Sultan qalasynyń aýmaǵyna kirý nemese onyń aýmaǵynan shyǵý myna qujattardy kórsetý kezinde ǵana júzege asyrylady: taýarlardy jetkizýshilerdiń jeke basyn kýálandyratyn qujat nemese olardyń tólqujaty, taýarǵa (azyq-túlik taýarlary, qurylys materıaldary, dári-dármek men temeki buıymdary) arnalǵan taýar-kólik jóneltpe qujaty. Sondaı-aq, taýarlardy jetkizýshilerdiń jeke sanıtarlyq qorǵanys quraldary, sanıtaızerleri men gıgıenalyq quraldary (qosymsha betperdeler men rezeńke qolǵaptar) bolýy qajet», – delingen habarlamada.
Munymen qosa, uzaq merzimge qala aýmaǵyna kelgen kólik quraldary esepke alynatyn bolady. Atalmysh júk kólikteriniń qozǵalysyna shtabtyń kelisiminsiz jol berilmeıdi.