Uly Jeńistiń 75 jyldyǵyna oraı eldik pen erliktiń merekesi 9-mamyr Jeńis kúni qarsańynda Ordabasy aýdany ardagerlerine arnalǵan alleıany ashý josparlanyp otyr.
Túrkistan oblysy Ordabasy aýdanynan maıdanǵa tórt myńnan astam sarbaz attansa, elge tek sonyń eki myńdaıy ǵana oralǵan. Iаǵnı myńdaǵan ordabasylyq sarbaz erlikpen maıdan dalasynda opat bolyp, baýyrlastar zırattarynda jerlengen. Búgingi urpaq erjúrek aǵa býynnyń erligi umytylmas úshin aty-jónderin memorıaldy taqtaıshaǵa órnektep jazý jumystaryn júrgizýde. Sonymen qatar, Otan qorǵaýshylar kúni jáne Jeńistiń 75 jyldyǵy qarsańynda aýdan ortalyǵy Temirlan aýylyndaǵy ortalyq saıabaq paıdalanýǵa berilmek.
Saıabaqtyń mańaıy abattandyrylyp, demalys ornyna aınalady. Búginde Temirlannyń kóshelerine kúrdeli jóndeý jumystary júrgizilip, jańadan aıaqjoldar salynǵan. Ár kóshege túrli sándik aǵashtar otyrǵyzyldy. Igi isterge bastamashy jáne uıymdastyrýshy bolyp otyrǵan aýdan ákimi Álipbek О́serbaevtyń jańashyldyǵy búgingideı jabyrqaý kezeńde kópshiliktiń erteńge senimin nyǵaıtyp, qoldaý tabýda. Aýdan ortalyǵynyń jańaryp, jasara túsýiniń bir ǵana kórinisi Qazybek bı kóshesindegi jaıqala ósip turǵan, kózdiń jaýyn alatyn qyzǵaldaqtar dep aıtsaq ta bolar. Kóshedegi qyzǵaldaqtarǵa qyzyǵa qaraıtyn turǵyndar alańsyz serýender kúnniń alys emestigine senimdi.