Túrkistan oblysynyń mektep bitirýshi túlekteri UBT synaǵyna úıden shyqpaı onlaın rejımde daıyndalady.
Oblystyq Qoǵamdyq damý basqarmasy men «Ontustik» telearnasy jáne Adamı áleýetti damytý basqarmasy birlese qolǵa alǵan jańa joba 6 sáýirden bastap iske qosylatyn bolady. Onlaın sabaqta óńirdiń eń úzdik ustazdary dáris oqıdy.
Árbir sabaqtyń uzaqtyǵy 20-30 mınýtty qamtymaq. Osy ýaqyt aralyǵynda onlaın oqý baǵdarlamasyna sáıkes ustazdar 2-3 tapsyrmany túsindirip ótedi. Kún saıyn eki pán boıynsha dáris beriledi dep josparlanýda. Jobany ázirleýshiler onlaın sabaqtar 11 synyptyń oqý baǵdarlamasyna negizdelgenin aıtýda.