Reseıdiń Habarov ólkesindegi Amýr ózeniniń sý deńgeıi búgin 792 santımetrge jetip otyr. Bul týraly ITAR-TASS habarlady.
Búginge deıin Habarovsk qalasyndaǵy 638 úıdi sý basyp qalǵan. Qala ákimi Aleksandr Sokolov birinshi kezekte balalar men qarttardy qaýipsiz jerge kóshirýge tapsyrma berdi.
Qazir Habarovskidegi ýaqytsha baspanalarǵa 108 adam, onyń ishinde 19 bala jetkizildi. Al qaladaǵy mundaı baspanalar barlyǵy 2,5 myń adamdy qabyldaýǵa daıyn tur.
Qala basshysy sondaı-aq apatqa ushyraǵan Habarov aýdanyna qarasty Ýssýrıısk derevnıasynda naqty qansha adam qalyp qoıǵanyn anyqtaýǵa buıryq berdi. Ol jerde 400-ge jýyq turǵyn bar kórinedi.
Aıdar О́risbaev.