Búgin Qaraǵandy oblysynda 5 adamnan COVID-19 belgileri tabyldy, dep habarlady oblystyq densaýlyq saqtaý basqarmasynyń baspasóz qyzmeti. Bul naýqastardyń bári de kúni keshe osy dertten kóz jumǵan Qaraǵandy qalasynyń turǵynymen qarym-qatynasta bolǵandar eken.
Infeksııa juqtyrǵandardyń arasynda 13 jastaǵy bala da bar.
«Qazirgi tańda koronavırýs ınfeksııasynan qaza tapqan adammen baılanysta bolǵan 200 turǵyn anyqtaldy. Olar provızorlyq jáne karantındik stasıonarlarǵa jatqyzyldy. Barlyǵynan synama alynyp, zerthanalyq tekserýge jiberildi. О́zge de baılanysta bolǵan turǵyndardy anyqtaý maqsatynda epıdemıologııalyq tekserý jumystary jalǵasýda», dep habarlady oblystyq densaýlyq saqtaý basqarmasy.
Bıylǵy jyldyń 4 sáýirine deıingi epıdemıologııalyq jaǵdaı boıynsha, Qaraǵandy oblysynda koronavırýs ınfeksııasy anyqtalǵan turǵyndardyń jalpy sany 27 adamǵa jetti. Olardyń bireýi qaıtys boldy. Qalǵan 26 naýqas tıisti em-dom alyp jatyr. Dárigerler olardyń densaýlyq jaǵdaıynyń qalypty deńgeıde ekenin aıtady.
Qaraǵandy oblysy