Astanada Indonezııanyń Qazaqstandaǵy mádenıeti kúnderi saltanatty jaǵdaıdy ashyldy. Bul týraly Bnews.kz tilshisi jabarlady.
«20 jyldan astam ýaqyt boıyna Qazaqstan men Indonezııanyń arasyndaǵy dıplomatııalyq, saýda-ekonomıkalyq, mádenı-gýmanıtarlyq baǵyttaǵy yntymaqtastyq óz deńgeıinde damyp kele jatyr. Osy jyldar ishinde eki memleket basshylary birneshe ret joǵary deńgeıde kezdesip, eki eldiń yntymaqtastyǵyn damytýǵa arnalǵan birqatar qujattarǵa qol jetkizildi», - dedi kúnderdiń ashylý saltanatynda sóz sóılegen Mádenıet jáne aqparat mınıstri Muhtar Qul-Muhammed.
Mınıstrdiń aıtýynsha, osynyń arqasynda bizdiń elderimiz qazirgi tańda kóptegen máseleler boıynsha álemdik deńgeıdegi ortaq mámilege qol jetkizip otyr. «Osydan eki saǵat buryn Qazaqstan Respýblıkasynyń Prezıdenti men Indonezııa Prezıdentiniń arasynda joǵary dárejede jáne kóptegen úkimet músheleriniń qatysýymen keńeıtilgen dárejede kezdesýler ótip, eki el arasyndaǵy birqatar yntymaqtastyq qujattarǵa qol qoıyldy. Sonyń ishinde, mádenı yntymaqtastyq týraly da memorandým bar», - dedi Muhtar Abraruly.
Búgin sondaı-aq Beıbitshilik jáne kelisim saraıynda Indonezııanyń mádenıeti men ónerin jan-jaqty tanystyratyn foto jáne toqyma buıymdarynyń kórmesi ashyldy. Ol 4 qyrkúıekke deıin sozylady. Al 3-4 qyrkúıek kúnderi «Saryarqa» saýda úıinde Indonezııanyń «Túrli-tústi ásker» (Laskar Pelangi), «Habıbı jáne Aınýn» (Habibie dan Ainun), «Qyzyl jáne aq» (Merah Putih), «Bári de Ýkok úshin» (Demi Ucok) lep atalatyn kórkem fılmderi kórermen talqysyna usynylady.
Osy joly qazaq mádenıetiniń kúnderi kelesi jyly Indonezııa astanasy – Djakarta qalasynda ótetini de belgili bolyp otyr.
Murat Aıtqoja.