Túrkistan oblysynda jalpy 909 mektepte 488 182 oqýshy bilim alady. Oqýshylarǵa 6 sáýirden bastap ǵalamtormen mecsendjerler ne platformalar jáne telesabaqtar, radıo, beınesabaqtar arqyly bilim beriletin bolady.
Oblystyq Adamı áleýetti damytý basqarmasynyń basshysy Rahymbek Jolaevtyń málimdeýinshe, oblystaǵy 420 460 mektep oqýshysyna qashyqtan «Balapan», «Elarna» jáne oblystyq telearnalar arqyly jáne «Qazaq radıosy» arqyly beıne, aýdıo sabaqtar ótedi. Oǵan arnaıy kestemen saǵat bólinip otyr. Sonymen qatar, 1365 oqýshy «Qazposhta» arqyly, 57 421 oqýshy «Bilimland», «Daryn online» bilim berý platformalary men «Zoom» beınekonferens baılanysy jáne messendjerler arqyly oqytylady. Iаǵnı taýly, shalǵaı aýdan oqýshylary úshin kómekke «Qazaq radıosy» men «Radıo klassık» áýe tolqyndary tartylmaq, al múldem baılanysy joq jerlerge «Qazposhta» arqyly tapsyrmalary berilip, keri baılanys ta osy júıede jasalady. Barlyq jaǵdaıda muǵalimder Kundelik.kz arqyly oqýshylardy baǵalap otyrady.
Túrkistan oblysy