Búgin Almaty qalasynyń ákimi Baqytjan Saǵyntaev Alataý aýdanyndaǵy jańadan bastalǵan provızorlyq gospıtaldiń qurylysy bastalǵan alańǵa baryp, ondaǵy jumystarmen tanysty.
Gospıtal salý týraly sheshimdi koronavırýs ınfeksııasyna qarsy kúres maqsatynda qurylǵan QR Prezıdenti janyndaǵy tótenshe jaǵdaı rejımin qamtamasyz etý týraly Memlekettik komıssııa qabyldaǵan bolatyn.
Tez salynatyn blokty qurylys jabdyqtarymen turǵyzylatyn nysan 280 orynǵa arnalǵan, onyń ishinde 28-i ıntensıvti terapııa bólimshesine tıesili bolady.
Mundaı blokty qurylys jabdyqtary atalǵan gospıtaldy osynaý syn saǵatta az ýaqyt ishinde salyp bitirýge múmkindik beredi.
Gospıtal koronavırýs ınfeksııasyn juqtyrǵan naýqastarmen baılanysta bolǵan jáne qaterli indetti juqtyrýy múmkin degen kúdikpen esepke alynǵan adamdarǵa arnalǵan.
«Mundaı gospıtaldar bizge indet juqtyrǵan jandardy der kezinde anyqtaýǵa, olardy dereý oqshaýlap, ýaqtyly ári júıeli em-dom qabyldaýyna múmindik beredi. Sóıtip biz qaterli ınfeksııanyń beleń alýyna jol bermeı, qaladaǵy epıdemıologııalyq ahýaldy turaqty ustap turatyn bolamyz», – dedi Almaty qalasynyń ákimi B.Saǵyntaev.
Atalǵan nysannyń josparymen jáne syzbalarymen tanysqan Baqytjan Saǵyntaev búginde ornyn tegisteý jumystary bastalyp ketken jańa gospıtaldiń qurylys alańyn muqııat qarap shyqty.
Sondaı-aq, qalalyq Qoǵamdyq densaýlyq saqtaý basqarmasynyń basshysy Tileýhan Ábildaevqa osy jobany qolǵa alǵan kompanııa ókilderimen birlesip gospıtalǵa asa qajetti qural-jabdyqtar máselesin de pysyqtaýdy tapsyrdy.
Merdiger kompanııa ókilderine qolǵa alǵan barlyq jumysty sapaly ári ýaqytynda bitirýdi júktedi.
ALMATY