Adamnyń bári birdeı emestigi sekildi, eldiń de bári birdeı emes. Olardyń da biregeıleri bar. Indonezııa – sondaı el. Biregeıligi emeı nemene, eger Ońtústik-Shyǵys Azııa men Avstralııanyń aralyǵyndaǵy bul el uzyn sany 17 508 araldy jaılap jatsa, biregeıligi emeı nemene, eger qurǵaqtaǵy aýmaǵy 1,9 mıllıon sharshy shaqyrymdy quraıtyn, dúnıede jer kólemi jóninen on tórtinshi oryn alatyn sol elde qazir 245 mıllıon adam (keshegi Keńes Odaǵynyń búkil halqy 250 mıllıon bolǵanyn eske túsirińiz) ómir súrip, álemde halqynyń sany jóninen tórtinshi orynda tursa, biregeıligi emeı nemene, eger jer túbinde derlikteı, arab áleminen de, túrki dúnıesinen de sonshama shalǵaıdaǵy sol eldegi halyqtyń 88 paıyzy ıslam dinin ustansa. Osy jaılardyń ózi Indonezııanyń biregeı bitimine daýsyz dálel bola alady.
Adamnyń bári birdeı emestigi sekildi, eldiń de bári birdeı emes. Olardyń da biregeıleri bar. Indonezııa – sondaı el. Biregeıligi emeı nemene, eger Ońtústik-Shyǵys Azııa men Avstralııanyń aralyǵyndaǵy bul el uzyn sany 17 508 araldy jaılap jatsa, biregeıligi emeı nemene, eger qurǵaqtaǵy aýmaǵy 1,9 mıllıon sharshy shaqyrymdy quraıtyn, dúnıede jer kólemi jóninen on tórtinshi oryn alatyn sol elde qazir 245 mıllıon adam (keshegi Keńes Odaǵynyń búkil halqy 250 mıllıon bolǵanyn eske túsirińiz) ómir súrip, álemde halqynyń sany jóninen tórtinshi orynda tursa, biregeıligi emeı nemene, eger jer túbinde derlikteı, arab áleminen de, túrki dúnıesinen de sonshama shalǵaıdaǵy sol eldegi halyqtyń 88 paıyzy ıslam dinin ustansa. Osy jaılardyń ózi Indonezııanyń biregeı bitimine daýsyz dálel bola alady.
Aıtqandaı, «Egemen Qazaqstannyń» oqyrmandary úshin bizdiń qasıetti dinimizdiń Indonezııaǵa qalaı taraǵanyn bilý ábden-aq qyzǵylyqty dep oılaımyz. Indonezııa Respýblıkasynyń Qazaqstandaǵy Elshiliginiń shaqyrýy boıynsha sol jaqqa jolymyz túsetinin estigennen keıin-aq el jaıynda izdestire bastaǵan derekterimizdiń biri osyǵan qatysty edi. «Istorııa arabskıh zavoevanıı» degen kitapty qarap otyrsańyz arabtardyń qaıqy qylyshy jetken jerler arasynan Indonezııany taba almaısyz, arabtar ol araldardy jaýlaýǵa barmaǵan da. Sonda qalaı bolǵany? Bylaı bolǵan eken. Internettegi «islam.az» saıtynan «Interesnaıa ıstorııa rasprostranenııa Islama v Indonezıı» degen maqala bizdiń dinimiz ol araldardaǵy adamdar júregine ıgilikti ıdeıalarymen jetkenin kórsetedi. Indonezııaǵa alǵashqy musylmandar Islamdy taratý úshin emes, saýda jasaý úshin barǵan. Bir musylman mata satyp júripti. Ol kezde eldiń jurty puttarǵa tabynatyn. Jańaǵy saýdager sharýasymen bir jaqqa shyǵyp ketkende onyń kómekshisi qatelesip, kezdeme matany qymbattaý baǵamen satyp jiberedi. Qojaıyn dúkenge kele salysymen kómekshisiniń jańylys ketkenin estip, qatty qapalanady. «Bul netkeniń? Mynaý halal is bolmady. Biz tutynýshyny aldadyq, endi odan keshirim suraýymyz kerek», deıdi ol. Sodan jańaǵy saýdager ári izdep, beri izdep aqyry álgi kisini tabady. Úıine baryp, jalynyp-jalpaıyp qate qadamyna keshirim surap, artyq alǵan aqshasyn qaıtaryp beredi. Tutynýshy ań-tań qalady. «Biz mundaıdy buryn-sońdy estip-bilgen emespiz. Myna bolmashy aıyrmany qaıtarý úshin sen meni osynsha ýaqyt izdep, áýrege tústiń. Ne úshin osylaı ettiń?». Sonda saýdager: «Islamda aqsha tek adal jolmen tabylýy kerek. Basqanyń kók tıynyn ıemdenseń de kúnáharsyń. Eger bireý bireýdi ókpeletse ol odan keshirim surap, batasyn alýǵa tıis. Áıtpese ol Allanyń qaharyna ushyraıdy», deıdi. Odan ári esi shyǵa tańdanyp álgi adam kete barady. Jańaǵy estigenin kórshileri men týysqandaryna aıtady. Saýdagerdiń sózi aýyzdan-aýyzǵa tarap, eldiń ámirshisine de jetedi. Ámirshi saýdagerdi shaqyryp alyp, bar mán-jaıdy onyń óz aýzynan estıdi. «Sen ózińniń diniń adamdy dál osylaı etýge mindetteıdi deısiń. Maǵan ıslam týraly aıtshy. Musylman bolý úshin ne isteý kerek?», deıdi ámirshi. Saýdagerdiń din jaıyndaǵy áńgimelerin tyńdaǵan saıyn ámirshi eltı túsip, aqyr aıaǵynda musylman dinine kóshýge bekinedi. Ony kórip saraı mańyndaǵylar, olardy kórip jer-jerdegi ákimqaralar, olardy kórip solardyń qaramaǵyndaǵylar Islamdy ustana bastaıdy. Sóıtip az ýaqyttyń aıasynda qalyń ásker baryp qaıtpaı-aq, eshkim ýaǵyz aıtpaı-aq Indonezııa musylman dinine kóship shyǵa keledi.
Osy biregeı eldiń birqatar er