Túrkistan óńirinde eń kóp indet juqtyrǵan Jetisaı aýdanynyń turǵyndary bolyp otyr. Bul jáıt jergilikti jurttyń júıkesine keri áserin tıgizip jatqany da jasyryn emes. Degenmen qıyn sátte qol ushyn sozyp qamyqqan kóńildi demdeıtin qaıyrymdy jandardyń bary qýantady.
Jetisaı aýdanyndaǵy «Alaýly» JShS basshysy Bolat Tileýjanov pen kásipker Baqtııar Qozybaev aýdandaǵy turmysy tómen jáne kópbalaly 100 otbasynyń árqaısysyna 20 myń teńgeden tegin azyq-túlik taratty. Qaıyrymdylyqqa jumsalǵan qarjynyń jalpy somasy 2 mln 160 myń teńge bolady.
«Búginde elimizdegi tótenshe jaǵdaıǵa baılanysty halyq qıyndyqtardy bastan ótkerip jatyr. Osyndaı qıyn shaqta oblysymyzdyń qaltaly azamattary halyqqa kómek qolyn sozýda. Arnaıy qorǵa qyrýar qarjy aýdaryp jatqan kásipkerlerimiz de az emes. Biz de osyndaı ıgi isten shet qalmaı 100 otbasyǵa az da bolsa kómek berýdi jón kórdik. Eń bastysy-indettiń aldyn alyp, elimiz aýrý-syrqaýdan aman-esen shyqsa eken» deıdi Bolat Tileýjanov.
Qos kásipker, sondaı-aq, 50 otbasyǵa 50 kelilik un da taratty.
Túrkistan oblysy