Joǵary hokkeı lıgasynda (JHL) óner kórsetip júrgen О́skemenniń «Torpedo» klýbynyń bas bapkeri bolyp Alekseı Jdahın taǵaıyndaldy.
Bıylǵy maýsym óskemendikter úshin sátsiz aıaqtaldy. Turaqty birinshiliktiń qorytyndysy boıynsha óz konferensııasynda segizinshi oryndy qanǵat tutqan jerlesterimiz Petrov kýbogy jolyndaǵy jarystyń alǵashqy aınalymynan asa almady. Bes oıynnyń nátıjesi boıynsha olar Máskeýdiń «Zvezdasynan» 1:4 esebimen utyldy.
Aldaǵy maýsymda «Torpedo» tabysty óner kórsetýdi kózdeýde. Sol sebepti de bas bapkerdi aýystyrdy. О́skemendik klýbtyń tizginin ustaǵan 54 jastaǵy reseılik maman 2016-2018 jyldar aralyǵynda da aıtýly ujymdy jattyqtyrǵan. Sońǵy kezderi Hanty-Mansııskiniń «Iýgrasyn» baptady.