Túrkistan oblysy Jetisaı aýdanynda koronavırýs juqtyrǵandar sanynyń 13- ke jetýi aýyldaǵylardy alańdatyp otyr. Aýdanda karantın engizilip, saqtyq sharalary kúsheıtilgen. Eki birdeı aýyl qorshaýǵa alynyp, derttiń taralmaýyna barynsha kúsh salynýda.
Degenmen Qurban ata aýylynyń turǵyndary jaman indettiń aldyn alý jáne qoǵamdyq tártipti saqtaý maqsatynda aýyldyń kireberis qaqpasyna blok-beket ornatty. Turǵyndar aqyldasa kele osyndaı sheshim qabyldaǵan. Aýyldyń Jetisaı qalasyna jaqyn ornalasýy jáne kelimdi-ketimdi adamdardyń kóptigi de blok-beket ornatýǵa sebep bolsa kerek. Búginde Qurban ata aýylynda 300 den astam úıde 2793 adam turady. Qazirgi tańda aýylǵa tirshilikti qamtamasyz etý maqsatynda kirip-shyǵatyn kólikter tirkeýge alynyp, túgeldeı dezınfeksııadan ótkizilýde.
Túrkistan oblysy