Altaı jyrshysy Oralhan Bókeıge eskertkish ashyldy

Jazdyń sońǵy kúnderi shyǵys jurty úshin aýqymdy sharalarǵa toly boldy. Ata Zań da áspetteldi. Halyqaralyq bal festıvali de ótti. Sondaı-aq, Shyńǵystaıdan shyǵyp, shyraıly da shuraıly týǵan ólkesin ǵumyr boıy jyrlaǵan, oqyrmanynyń bárin asqaq Altaıǵa ińkár etken Oralhan Bókeıdiń 70 jyldyq mereıtoıy da bastalyp ketti. Kerbuǵydaı qasqaıyp, taýqudiret talantymen tamsandyrǵan tulǵa О́skemenniń tórinde tuǵyrǵa qondy.

Jazdyń sońǵy kúnderi shyǵys jurty úshin aýqymdy sharalarǵa toly boldy. Ata Zań da áspetteldi. Halyqaralyq bal festıvali de ótti. Sondaı-aq, Shyńǵystaıdan shyǵyp, shyraıly da shuraıly týǵan ólkesin ǵumyr boıy jyrlaǵan, oqyrmanynyń bárin asqaq Altaıǵa ińkár etken Oralhan Bókeıdiń 70 jyldyq mereıtoıy da bastalyp ketti. Kerbuǵydaı qasqaıyp, taýqudiret talantymen tamsandyrǵan tulǵa О́skemenniń tórinde tuǵyrǵa qondy.

Oblys ortalyǵynyń Jibek matalar kombınaty atalatyn shaǵynaýdan sońǵy jyldary jedel damyp keledi. Oraǵańnyń qalam ustaǵan oıly sáti beınelengen eskertkishi jańadan ósip-órkendep kele jatqan osy aýdanda ashyldy. Onda qalamger atyndaǵy №44 orta mektep te bar. Iаǵnı, eskertkishtiń oryn tepken alańqaıy aldaǵy ýaqytta qala turǵyndary men jastary, meımandary úshin seıildeıtin kórneki oryndardyń birine aınalady. Eskertkish aýmaǵy kógaldandyrylyp, jaryq­tan­dyrylǵan. Tabanyna tas tóselip, oryndyqtar qoıylǵan.

Oralhan Bókeı eskertkishiniń ashylý saltanatyna elimizdiń túkpir-túkpirinen kelgen qalam­gerler qaýymy qatysty. Olardyń qatarynda Qabdesh Jumadilov, Kádirbek Segizbaı, Israıl Sa­parbaı, Nesipbek Aıtuly, Te­mir­han Medetbek, Jumabaı Shash­­taıuly, Tynyshtyqbek Áb­di­kákimov, Ulyqbek Esdáýlet jáne taǵy basqa elimizge belgili aqyn-jazýshylar bar.

Saltanatty sharanyń basynda kórkemsóz saıysynyń jeńimpazdary Marjan Mús­limbekova men Qarakóz Ábe­no­va Altaı jyrshysynyń shy­ǵarmalarynan náshine keltirip úzindiler oqydy.

Eskertkishtiń ashylýymen qut­tyqtaǵan óńir basshysy Ber­dibek Saparbaev ádebıet as­­­­­pa­nynda jaryq juldyzdaı jar­qyrap ótken Oralhan Bókeıdiń orny bólek ekenin, Qazaq elin álemge tanytatyn, mereıin ús­tem etetin sanaýly dúnıeniń biri ádebıet ekenin atap ótti. Ob­­lys basshysynyń aıtýynsha, ja­zý­shynyń mereıtoıynda oǵan ar­nalǵan eki eskertkish ornatylady. Onyń biri – О́skemende ashylǵan myna monýment bolsa, ekinshisi sóz zergeriniń týǵan ólkesi Katon­qa­raǵaıda boı kóteredi.

Almatyda Oralhan Bókeımen kórshi turǵan jazýshy Qabdesh Jumadilov inisi týraly aqtaryla estelik aıtty.

– Aqyn-jazýshylardy ás­pet­tep, qurmet kórsetken eldiń ǵumyry da baıandy bolady. О́ske­mende Lenın eskertkishiniń or­­nyna Abaıdyń tulǵasyn qoı­ǵanda erekshe qýanǵanbyz. Aqyn­nyń arýaǵy rıza bolǵan shy­ǵar, mundaǵy is ilgeri bas­ty. Al­taı jyrshysy atanǵan Oral­han­men 15 jyl kórshi turdyq. Áde­bıettegi syılas, pikirles jan­­dardyń biri edi. Mereıtoı qar­­sa­ńynda ashylǵan eskertkishin kó­­rip, qýanyp turmyn. Qalamgerge kór­setilgen qurmet – ultqa kór­se­til­gen qurmet. Eskertkish qoıyl­ǵan kóshe – О́skemenge kirer, Oral­hannyń týǵan jerine barar jol boıynda eken. «Komsomoldar» atalatyn osy kósheniń ataýyn bú­gin ashylǵan eskertkish ıesiniń esi­mimen atasa, nur ústine nur bolar edi, – dedi jazýshy.

Oraǵańnyń qalamger dos­ta­rynyń biri Kádirbek Segiz­baı­uly da estelikterimen bólisti. Aqyn Aslan Ǵafýrov arnaý óleńin oqy­dy. Músinshiler Evgenıı Ne­pııa­nov pen Vladımır Samoılov qa­shaǵan eskertkishke qalamgerler gúl shoqtaryn qoıdy.

Dýman ANASh,

jýrnalıst.

О́SKEMEN.