Iýnýs Emre ınstıtýty Túrkııa Respýblıkasy Prezıdenttik ákimshiliginiń qamqorlyǵynda Túrkııanyń akademııalyq jáne ǵylymı yntymaqtastyq (TABİP) jobasy aıasynda COVID19-ǵa toıtarys berý úshin jumylyp jatqan taraptardy eń sońǵy ǵylymı jumystar men texnologııalyq jańalyqtardy senimdi aqparatpen qamtamasyz etý úshin «Covid-19 Hub» atty platforma ashty.
Qoldanýshylar covid19.tabipacademy.com atty saıtta kóptegen kategorııa boıynsha júzdegen maqala men analızdi aqysyz túrde paıdalana alady.
Iýnýs Emre ınstıtýty koronovırýske qarsy júrgizilip jatqan ǵylymı jáne texnologııalyq kúreske osy aýqymdy platformany qoldana otyryp, óz úlesin qosýdy kózdeıdi. Eń sońǵy jańalyqtardy, málimetter men nátıjelerdi negizgi qaınarkózderden jınaqtap, olardy júz myńdaǵan naýqastyń ómirin qutqarý, vırýstyń taralýyn toqtatý úshin ýaqytpen jarysyp jatqan ǵalymdar, dárigerler, medısınalyq jabdyqtardy óndirýshiler men barlyq áriptesterge usynady. Sondaı-aq koronovırýske qarsy júrgiziletin ǵylymı jáne texnologııalyq kúresti jedeldetedi. Biz ýaqyt joǵaltpaı, osy qysyltaıań kezeńde aldymen Túrkııanyń aýrýǵa qatysty eń úzdik nátıjeleri men sondaı-aq Iýnýs Emre ınstıtýtynyń álemdegi jelilerin qoldana otyryp Japonııa, Ońtústik Koreıa, Germanııa men AQSh-qa deıingi barlyq elderdegi úzdik tájirıbelerdi adamzattyń ıgiligine jaratýdy kózdeımiz.
Álemniń barlyq elderin yqpalyna alǵan koronovırýske qarsy júrgizilip jatqan kúreske bir kisideı úles qosý barlyǵymyzdyń mindeti, bul óte mańyzdy. Atalǵan saıtty ary qaraı jetildire otyryp, júrgizilip jatqan osy kúreske qoldaý kórsetkisi keletin barshańyzdyń pikir, usynys jáne qoldaýlaryńyzdy kútemiz.