El arasynda Shyǵys Qazaqstan oblysy Tarbaǵataı aýdanynyń kúngeıi (Úrjar) men teriskeıinde (Kókpekti) kezdesip qalyp júrgen «qar adamy» (snejnyı chelovek) týraly derekter bar . Bul týraly Altaynews.kz habarlady. Qar adamdarymen qońsylas bolǵan ata-babalarymyz olardy «Kisikıik» dep atapty. 1960-70 jyldary jastary 70-80-ge kelgen aqsaqaldar osy kisikıikter týraly jıi aıtatyn. Ol ný jynysty bula tabıǵattyń shyrqy buzyla qoımaǵan shaǵy ǵoı. Áli de taýda tabıǵat qupııasyn boıyna búkken, adam tabany tımegen úreıli shatqaldar molshylyq. Tarbaǵataıdyń (Tarǵybataı) jaılaýynda 1870 jyldardyń orta sheninde Qasabaı atty kisi ómir súrgen eken. Sol Qasabaı birde bir analyq kisikıikti ustap ákep, keregege baılap qoıady. Onyń býaz ekeni málim bolady. Artynan kádimgi adam týylady. Kózinen móltildep aqqan jasy kól bolady. Til joq. Bergen tamaqty jemeıdi. Serikterin arashalaı kelgen basqa kisikıikter tún balasy aýyldy toryp, qıqýlap, ıtterdi abalatyp, maza bermepti. Túnde olar ottan, jaryqtan qatty qorqady eken. Úsh kúnnen soń úlkender: «Mynaý ashtan ólip qalsa, obal bolady» dep, tutqyndy bosattyryp jiberedi. Tilsiz maqulyq qatty qýanyp, eki sanyn sabalap, «Yrǵaı-aı, shyrǵaı-aı!» degen maǵynada qaıta-qaıta dybystap, qalyń búrgenniń arasyna sińip ketedi. Onyń aldynda qoıshylar keı jerlerden jalańash adamnyń sulbasyn kórgen.Bulaq basynda saz balshyqty keshken kileń jalańaıaq adamdardyń izderin kezdestiredi. El ań-tań. Anda-sanda jylqy ishinen bir-ekeýi, keıde noqta tımegen shý asaýy tańerteń qan sorpa bolyp, boldyryp, qur súlderi áreń turady. Tún ishinde shý asaýdy kim minedi? Muny jiti baqylaýǵa alǵan jurtshylyq, kisikıikter bir-ekeýiniń jylqyǵa qarǵyp minip, tań atqansha shabatynyn kóripti . Qasabaıdyń yza bolyp, ustap ákep júrgeni – sol kórinedi. Biraq, olar adamdarǵa zııan jasamaǵan...
Danııar Túımebaı.