Birtýar talant ıesi Baıanǵalı Álimjanovtyń «Skaz stoletnego stepnıaka» romany, «Razreshıte jıt!», «Ablaı han ı ego batyry» atty hıkaıat-áfsanalary ótken jyly Máskeýde, orys tilinde jaryq kórgeni jurtshylyqqa jaqsy málim. Al bıyl belgili qalamgerdiń atalmysh týyndylary Londonda aǵylshyn tilinde jaryq kórip, dúıim dúnıege taraǵaly jatqany qazaq ádebıeti úshin úlken jetistik retinde baǵalanýda. Halqymyzdyń júz jyldyq taǵdyr-tarıhy, aqıqatsúıgish adal jandardyń arman-muńy, ata-babalarymyzdyń erlik ańyzdary baıandalatyn týyndylardyń aǵylshyn tilindegi nusqasy batys jurtshylyǵyn beı-jaı qaldyrmaıdy degen oıdamyz.
Kitaptyń eki túrli nusqasy bar. Biri qaǵaz túrinde bolsa, ekinshisin oqyrman kez kelgen qashyqtan qoljetimdi úlgide, elektrondy kitap túrinde oqı alady. Taǵy bir aıryqsha atap óterlik jaıt, ol aldaǵy ýaqytta áıgili Amazon júıesi arqyly búkil aǵylshyn tildi álemge taratylmaq. Bul týraly aqparat Brıýssel gazetterinde jaryq kórdi.
«Kitapty aýdaryp, basyp shyǵarýǵa qarjylaı demeýshilik etken Jomart Omarov pen Baqytjan Tileýbaev baýyrlaryma alǵysym sheksiz. Aıtpaqshy, qazaq tiline aýdarylyp, shyǵarmalar jınaǵymnyń 16-tomyna engizilgen bul týyndylarymdy kópshilik oqyrman KazNEB jáne Ádebı portaldan oqýlaryna bolady» deıdi avtor.
Kitaptardyń tanystyrylymy 1-6 qazan aralyǵynda Londondaǵy Ádebıet aptalyǵy aıasynda, Madrıd qalasyndaǵy «Open EurasianLiteratureFestivalandBookForum» halyqaralyq ádebıet festıvalinde ótedi dep kútilýde.
«Skaz stoletnego stepnıaka» romanyn aǵylshyn tiline aýdarǵan – Eýrazııa shyǵarmashylyq gıldııasynyń beldi múshesi Djonatan Kampıon, al redaktory – Ulybrıtanııanyń tanymal jazýshysy ári aýdarmashy Kerolaın Ýolton. Aǵylshyntildi oqyrmanǵa tyń týyndylardy jetkizýshi brıtandyq «HertfordshirePress» baspasynan buǵan deıin de Qazaqstan jazýshylarynyń 50-den astam kitaby jaryq kórgen.