Erejesiz jekpe-jekten asa aýyr salmaqtaǵy UFC-diń burynǵy chempıony Denıel Korme Stıpe Mıochıchpen úshinshi márte aıqasqannan keıin úlken sporttan qol úzetinin málimdedi.
Bul esim sport súıer qaýymǵa jaqsy tanys. 41 jastaǵy AQSh-tyń Lýızıana shatatynyń týmasy áýeli erkin kúresten tolaǵaı tabstarǵa qol jetkizdi. 2002 jyly Panamerıka birinshiligin utty. 2003 jyly Panamerıka oıyndarynyń jeńimpazy atanyp, 2007 jyly sol jarysta qola medaldi ıelendi. 2007 jyly Bakýdegi álem chempıonatynda úshinshi orynǵa taban tiredi. 2004 jáne 2008 jyldary Olımpııa oıyndarynda baq synady.
Erkin kúresten qol úzgennen keıin Denıel Korme erejesiz jekpe-jekten kúsh synasýǵa bel býdy. 2009-2020 jyldar aralyǵynda 25 kezdesý ótkizip, sonyń ekeýinde ǵana utyldy. 15 qarsylasyn esinen tandyrdy. Ir jyldary ol Tonı Djonson, Djef Monson, Antonıý Sılva, Djosh Barnett, Frenk Mır, Roı Nelson, Den Henderson, Aleksandr Gýstafsson, Anderson Sılva, Volkan О́zdemir jáne taǵy basqa dúleı kúsh ıelerin sabady.
Horvatııada týyp-ósip, keıinnen AQSh azamattyǵyn alǵan Stıpe Mıochıchpen onyń joly eki márte qıysty. 2018 jyldyń 7 shildesinde Korme qarsylasyn birinshi raýndta uryp jyqty. Arada týra bir jyl ýaqyt ótkennen keıin qarymta kezdesý uıymdastyryldy. Bul joly Mıochıchtiń asyǵy alshysynan tústi. Ol otandasyn tórtinshi raýnda nokaýtqa jiberdi.