Besinshi shaqyrylymdaǵy Parlamenttiń úshinshi sessııasynyń Senattaǵy alǵashqy otyrysy ótti. Senat Tóraǵasy Qaırat Mámıdiń jetekshiligimen ótken bul otyrysta palata Tóraǵasynyń orynbasary jáne depýtattardy turaqty komıtetterge saılaý máselesi sheshimin tapty.
Jalpy otyrysty ashqan Q.Mámı Parlamenttiń bıylǵy sessııasynyń aldyndaǵy basym mindetterdi Elbasy N.Nazarbaev bes baǵyt boıynsha naqty aıqyndap bergenine erekshe toqtaldy. El ekonomıkasyn odan ári nyǵaıtý, ınnovasııalyq úderister men «jasyl ekonomıkany» damytý jáne quqyq qorǵaý organdaryndaǵy reformany odan ári jetildirý kún tártibinde tur. Sondyqtan osy zań jobalaryn ýaqtyly jáne sapaly qaraý – bizdiń osy sessııadaǵy basty mindetterimizdiń biri. Sondaı-aq, Astanada EKSPO-2017 halyqaralyq mamandandyrylǵan kórmesin uıymdastyrý úshin jáne sapaly túrde joǵary deńgeıde ótkizý úshin birtalaı zań paketterin qabyldaý kerek, dedi Tóraǵa.
Besinshi shaqyrylymdaǵy Parlamenttiń úshinshi sessııasynyń Senattaǵy alǵashqy otyrysy ótti. Senat Tóraǵasy Qaırat Mámıdiń jetekshiligimen ótken bul otyrysta palata Tóraǵasynyń orynbasary jáne depýtattardy turaqty komıtetterge saılaý máselesi sheshimin tapty.
Jalpy otyrysty ashqan Q.Mámı Parlamenttiń bıylǵy sessııasynyń aldyndaǵy basym mindetterdi Elbasy N.Nazarbaev bes baǵyt boıynsha naqty aıqyndap bergenine erekshe toqtaldy. El ekonomıkasyn odan ári nyǵaıtý, ınnovasııalyq úderister men «jasyl ekonomıkany» damytý jáne quqyq qorǵaý organdaryndaǵy reformany odan ári jetildirý kún tártibinde tur. Sondyqtan osy zań jobalaryn ýaqtyly jáne sapaly qaraý – bizdiń osy sessııadaǵy basty mindetterimizdiń biri. Sondaı-aq, Astanada EKSPO-2017 halyqaralyq mamandandyrylǵan kórmesin uıymdastyrý úshin jáne sapaly túrde joǵary deńgeıde ótkizý úshin birtalaı zań paketterin qabyldaý kerek, dedi Tóraǵa.
Budan basqa qylmystyq zańnamany, quqyq qorǵaý organdaryn jáne sot júıesiniń jumysyn jetildirýge, adam quqyqtaryn ádil qorǵaýǵa baǵyttalǵan bir top kodeksterdiń, sondaı-aq sottardyń rólin arttyrý jáne eldegi quqyq tártibi júıesin nyǵaıtý jumystaryn odan ári kúsheıtý qajet. Prezıdent óz sózinde atalǵan zańdar azamattarymyzdyń ómirine tikeleı yqpal etetin, olardyń quqyqtary men bostandyqtaryn qamtamasyz etetin elimiz úshin óte mańyzdy zańdar ekenin taǵy da atap ketti, dedi Q.Mámı. Sondaı-aq, Tóraǵa Elbasynyń sózin keltire otyryp, úsh jyldyq bıýdjetti talqylaý barysynda memlekettik qarajattyń shyǵysyna, olardyń der kezinde ıgerilýine Senat basa nazar aýdarýy qajettigin atap kórsetti.
Kún tártibine kirispes buryn palata ókilettikteri aıaqtalǵan senatorlardy shyǵaryp salý rásimin ótkizdi. Senatorlyq ókilettikteri aıaqtalǵan Ádil Ahmetovke, Oralbaı Ábdikárimovke, Ǵarıfolla Esimge, Bolat Jylqyshıevke, Ǵanı Qasymovqa, Aleksandr Sýdınge jáne Iýrıı Shaıǵa Senattyń zań shyǵarý qyzmetinde depýtattyq mindetterin adal da joǵary deńgeıde atqarǵandary úshin rızashylyǵyn jetkizgen Tóraǵa olarǵa Senattyń qurmet gramotasyn tabys etti. О́tken alty jylda Senat depýtattary retinde sizder el ıgiligi úshin bilimderińiz ben tájirıbelerińizdi aıaǵan joqsyzdar. О́zderińizge júktelgen jumysty adal atqardyńyzdar. Sizderdiń osyndaı eńbekterińizdi áriptesterińiz, bizder ǵana emes, qalyń qazaqstandyq jurtshylyq ta joǵary baǵalaıdy, dedi Q.Mámı.
Sondaı-aq, keshegi otyrysta Senat Tóraǵasynyń usynysy boıynsha ashyq daýys berý arqyly Asqar Beısenbaev palata Tóraǵasynyń orynbasary qyzmetine biraýyzdan saılandy. Senator Sergeı Kýlagın Tabıǵatty paıdalaný jáne aýyldyq aýmaqtardy damytý komıtetiniń tóraǵasy bolyp saılandy. Memleket basshysynyń Jarlyǵymen taǵaıyndalǵan depýtattar Senattyń turaqty komıtetteri quramyna saılandy. Atap aıtqanda, Birǵanym Áıtimova, Sergeı Gromov, Lázzat Qıynov jáne Georgıı Kım Halyqaralyq qatynastar, qorǵanys jáne qaýipsizdik komıtetiniń quramyna endi. Konstıtýsııalyq zańnama, sot júıesi jáne quqyq qorǵaý komıtetine Dýlat Qusdáýletov saılansa, Serik Nógerbekov Qarjy jáne bıýdjet komıtetine, al Nurlan Orazalın Áleýmettik-mádenı damý komıtetine saılanyp, bekitildi.
Senat Tóraǵasy sóz oraıynda óz ókimimen S