Bıyl Qostanaı oblysynda sý tasqyny ádettegiden eki apta erte bastaldy. Qazir Qarasý, Sarykól jáne Uzynkól aýdandaryndaǵy ózen arnalaryna qyzyl sý quıylyp jatyr. Sý deńgeıi baıaý kóterilýde.
Oblystyq tótenshe jaǵdaılar departamentiniń málimetinshe, ózen jaǵalaýyndaǵy eldi mekender túgeldeı baqylaýǵa alynǵan. Aımaqtaǵy sý basý qaýpi bar 99 aýyldyń mańynda arnaıy qutqarýshylar jasaǵy kezekshilikte tur. Tótenshe jaǵdaılar qyzmeti jergilikti atqarýshy organdarmen birlesip, egistikterden aqqan qyzyl sýdyń aldyn tosý, arnasyn burý jumystarymen aınalysyp jatyr. Ázirshe qarǵyn sý joq, ózen kemeri bútin.
Oblysta Qaratomar jáne Joǵarǵy-Tobyl dep atalatyn jalpy syıymdylyǵy 546 mln tekshe metrlik eki negizgi sý qoımasy bar. Kóktem maýsymynda boljanǵan qyzyl sý osy eki qoımaǵa quıylady.
Kún raıynyń kúrt jylynýy men egistik alqaptarynda erigen qardyń moldyǵyna baılanysty taıaýda Qarasý aýdanyndaǵy sý qoımalarynda muz jarý jumystary júrgizildi.
– О́tken demalys kúnderi Ilıchev aýyldyq okrýgine qarasty Novoselov
aýylynyń mańyndaǵy Qundyzdy ózeninde 6 jarylys boldy. Qardyń jappaı erýi kezinde qyzyl sýdyń basym bóligi dál osy jerge keledi dep kútilýde. Jarylys jumystarynyń nátıjesinde ózendegi sý deńgeıi edáýir tómendedi, – dedi TJD baspasóz qyzmetiniń jetekshisi Ýálıhan Dosanov.
Oblysta kóktemgi sý tasqynynyń aldyn alý sharalaryna 506,6 mln teńge bólingen. Qutqarý qyzmetteri ózen-sý arnalary men sý basý qaýpi bar eldi mekenderdi kún saıyn áýeden baqylap otyr. Sý tasqynynan qaýip tóne qalǵan jaǵdaıda arnaıy daıyndyqtan ótken 2659 adam qutqarý isine kirisedi. Olarǵa kómekke keletin 1168 tehnıka, 142 qaıyq, 312 sý sorǵysh qurylǵy da saqadaı-saı.
Qostanaı oblysy