Infeksııanyń taralý qarqyny tómendedi

Baıandama barysynda Bas sanıtar karantındik sharalardy saq­taýdyń mańyzyna toqtalyp, indet jaǵdaıy álemde áli de turaq­syz bolyp otyrǵanyn alǵa tartty.

«Qazaqstanda koro­na­vı­rýstyq ınfeksııany juqtyrýdyń 604 jaǵdaıy tirkelgen. Onyń ishinde respýblıkalyq mańyzy bar qalalarda: Nur-Sultan – 219, Almaty qalasynda – 116, Shymkent qalasynda – 14 jaǵdaı. О́ńirlerde: Qaraǵandy oblysy – 48, Qyzylorda oblysy – 37, Atyraý oblysy – 29, Túrkistan oblysy – 28, Jambyl oblysy – 29, Soltústik Qazaqstan oblysy – 25, Aqmola oblysy – 23, Aqtóbe oblysy – 11, Almaty oblysy – 10, Shyǵys Qazaqstan oblysy – 6, Mańǵystaý oblysy – 5, Batys Qazaqstan oblysy – 2, Pavlodar oblysy – 1, Qostanaı oblysy – 1. Solardyń ishinde 122 naýqas syrttan kelgen, 351-den astam juqtyrý jaǵdaıy adamdarmen qarym-qatynas kezinde oryn alǵan. Búginde 45 naýqas shyǵaryldy. Olardyń 24-i Nur-Sultan qalasynan, 21-i Almaty qalasynan. Qazirgi ýaqytta koronavırýstan 6 adam qaıtys boldy. Aqmola oblysynda 2 adam, Nur-Sultan, Shymkent qalalarynda, Qaraǵandy jáne Túrkistan oblys­tarynda 1 jaǵ­daıdan tirkeldi. Jalpy alǵanda barlyǵy 17 myń­nan astam bir-birimen baılanysta bolǵan tulǵalar tirkelgen, 10 myńnan astam azamat úı karan­tıninde. Búgingi tańda juqty­rýdyń 85%-y jeńil jáne sımp­tomsyz aǵymǵa ıe, 11,5%-y «aýyr­lyǵy ortasha» dep ba­ǵa­landy, 16 pasıenttiń jaǵdaıy «aýyr» dep baǵalandy», dedi ol.

Bas sanıtarlyq dáriger en­gizilgen baqylaý-shekteý sharalary ınfeksııanyń taralý qarqynyn tómendetetinin erekshe atap ótti.

«Búgingi tańda engizilgen shekteý sharalary ınfeksııanyń taralýyn azaıtty. 27 naýryzdan bastap Nur-Sultan qalasyndaǵy indetti juqtyrýdyń deregi 5 sáýirde 60 jaǵdaıdan 0 jaǵdaıǵa deıin, Almatyda kún saıynǵy ósim 15-ten 6 jaǵdaıǵa deıin tómendedi», dedi bas sanıtar.

Sonymen qatar Aıjan Esma­ǵambetova Qyzylorda, Qara­ǵandy, Túrkistan, Atyraý oblystarynda syrqattanýdyń jo­ǵary ósimi tirkelgendikten, atalǵan óńirlerde qosymsha shekteý sharalaryn engizý qajettigin atap ótti.