Oblys ortalyǵynyń «Áýe qalashyǵy» shaǵyn aýdany qalanyń áleýmettik ınfraqurylymy kenjeleý damyǵan bóligi bolatyn. Sońǵy jyldary munda áleýmettik nysandardy damytý jumystary qolǵa alynyp, jaǵdaı jaqsara bastady. Kezinde ıesiz qalǵan saıabaq jańartylyp, kópshiliktiń mádenı demalys ornyna aınaldy. Osy aýdanda ornalasqan «Avıator» sport alańy da osy zamanǵy talaptarǵa jaýap bermeıtin. Ala shańy shyǵyp jatatyn alańda jaqyn mańdaǵy balalar dop qýyp, fýtbol oınaǵany bolmasa, basqa sport túrlerimen aınalysýǵa múmkindik joqqa tán edi.
Oblys ortalyǵynyń «Áýe qalashyǵy» shaǵyn aýdany qalanyń áleýmettik ınfraqurylymy kenjeleý damyǵan bóligi bolatyn. Sońǵy jyldary munda áleýmettik nysandardy damytý jumystary qolǵa alynyp, jaǵdaı jaqsara bastady. Kezinde ıesiz qalǵan saıabaq jańartylyp, kópshiliktiń mádenı demalys ornyna aınaldy. Osy aýdanda ornalasqan «Avıator» sport alańy da osy zamanǵy talaptarǵa jaýap bermeıtin. Ala shańy shyǵyp jatatyn alańda jaqyn mańdaǵy balalar dop qýyp, fýtbol oınaǵany bolmasa, basqa sport túrlerimen aınalysýǵa múmkindik joqqa tán edi.
Osy aıtaqyrda qaıtadan jańǵyrtylǵan zamanaýı «Avıator» sport kesheninde oblystyq kóp salaly balalar men jasóspirimder sport mektebiniń saltanatty ashylýy boldy. Jańa sport kesheni men osyndaǵy oblystyq kóp salaly balalar men jasóspirimder sport mektebiniń lentasyn oblys ákimi Arhımed Muhambetov pen Aqtóbe qalasynyń qurmetti azamaty, Qazaqstannyń qurmetti sport qaıratkeri Kádirjan Izǵarın qıdy. Saltanatty sátte sóz alǵan óńir basshysy jınalǵandardy jańa sport nysanynyń ashylýymen quttyqtady. Ol jyl saıyn sport salasyna qarjy bólý artyp, sport keshenderi men alańdarynyń kóptep salynyp kele jatqanyn tilge tıek ete kelip, sońǵy eki jylda qalada 36 jasandy jamylǵyly sport nysany salynǵanyn, onyń 19-y bıyl paıdalanýǵa berilgenin atap ótti. Sondaı-aq, «Batys -2» shaǵyn aýdanyndaǵy 50 metrlik basseınniń qurylysy aıaqtalýǵa jaqyn qalǵany, alda osy aýdanda Muz saraıyn salý úshin jobalyq-smetalyq qujattary jasalyp jatqany qulaqqa jaǵymdy estildi.
– Bul nysan kezinde bireýlerdiń qolyna ótip ketken edi. Qajettilikke qaraı kommýnaldyq menshikke qaıtaryp, osyndaı etip, jyp-jınaqy osy zamanǵy sport kesheni salyndy. Elbasy 2020 jylǵa deıin halyqtyń 30 paıyzyn buqaralyq sportqa tartýǵa tapsyrma bergeni belgili. Bul qadamdar sol tapsyrmany oryndaýdyń naqty kórinisi, – dedi Arhımed Begejanuly.
О́ńir basshysy aıtsa aıtqandaı, bul sport kesheni osy aýdan úshin óte mańyzdy sport nysany, Sport kesheninde balalar men jasóspirimder sport mektebiniń ákimshilik ǵımaraty, shyǵys jekpe-jeginen, qoldanbaly-tehnıkalyq jáne sporttyq oıyn túrleri boıynsha jattyǵatyn zaldary, 500 oryndyq trıbýna ornatylǵan fýtbol alańy bar. Sport kesheniniń qurylysyn qaıta jańǵyrtý jumystaryn «KTP» JShS sapaly jáne qysqa merzimde aıaqtady. Oǵan oblystyq bıýdjetten 260 mıllıon teńge jumsaldy.
Saltanatty sátte óńir basshysy oblys sportyn damytýǵa atsalysyp, halyqaralyq jáne álemdik jarystarda bıikterden kórinip júrgen 106 sportshyǵa, sport ardagerine 50-100 myń teńge kóleminde aqshalaı jáne baǵaly syılyqtar tabystady. Olardyń qatarynda Qazanda ótken dúnıejúzilik ýnıversıadada belbeý kúresinen kúmis júlde oljalaǵan Dımash Moldashev, kúrestiń osy túrinen álem chempıony Nurlybek Haırýllın, sambodan Azııa chempıony Raısa Baılıeva, gir sportynan Eýropa jeńimpazy Evgenıı Goncharov jáne basqalary bar. Sondaı-aq, múmkindigi shekteýli azamattardyń sport klýby oblys ákiminiń 3 mıllıon teńge grantyna ıe boldy.
Osy kúni qala mektepteri janynan taǵy da jeti jańa sport alańdary paıdalanýǵa berildi. Bul sport alańdaryna da jasandy jamylǵy tóselgen. Sondaı-aq, sport alańdary jaryqtandyrylǵandyqtan, olarda túngi mezgilde de sport túrlerimen aınalysýǵa bolady. Negizinen mektep ıeliginde bolǵanymen, bul alańdarǵa turǵyndar da kelip, sportpen aınalysa alady.
Satybaldy SÁÝIRBAI,
«Egemen Qazaqstan».
Aqtóbe oblysy.