Búgin Syr boıynda Covid-19 indetin juqtyrǵandardyń sany 54-ke jetti. Olarmen jaqyn qarym-qatynastaǵylar 326 adam bolsa, potensıaldy baılanystaǵylar 518. Olardyń barlyǵy baqylaýǵa alynyp, oqshaýlanǵan.
Búgin óńirlik kommýnıkasııa qyzmetinde brıfıng ótkizgen oblystyq densaýlyq saqtaý basqarmasynyń basshysy Jaqsylyq Ábdisámetov vırýs juqtyrǵandardyń kúrt kóbeıýine turǵyndardyń karantın tártibin saqtamaýy sebep bolyp otyrǵanyn atap ótti.
Eskertýlerdi elemegender otbasylyq basqosýlardy toqtatpaı, kerisinshe údete túsken. Oqshaýlaný tártibine múldem qulaq aspaıtyndar bar. Mysaly, óńirde boıynan eń alǵash koronavırýstyq ınfeksııa anyqtalǵan adam áýletindegi 21 janǵa qaýipti indetti juqtyryp úlgergen. Shıeli aýdanyndaǵy 6 naýqastyń da bir úıdiń adamdary ekendigi anyqtalyp otyr. Keshe osy aýdannan tirkelgen 13 derek te osyndaı salǵyrttyqtyń saldary.
Oblysymyzda koronavırýstyq ınfeksııany juqtyrǵandardyń sany kún saıyn ósýi turǵyndardyń karantın talaptaryn saqtamaýynan bolyp otyr. Máselen, keshe keshke Shıeli aýdanyn anyqtalǵan 13 naýqastyń bári otbasylyq keshke qatysqan. Qaýipti indetti sol jerde juqtyrǵan. Qazir osy aýdandaǵy bir aýyl karantınge jabyldy, – dedi basqarma basshysy.