Reseıdiń «Match TV» portaly qazirgi kezde Qurlyqtyq hokkeı lıgasynda baq synap júrgen «TOP-10» qaqpashynyń tizimin jarııalady.
Úzdikter sanatyna Edýard Paskýale de engen eken. Nur-Sultannyń «Barysynda» óner kórsetetin ol 46 kezdesýde óz komandasynyń 24 ret jeńiske jetýine úles qosty. Qaqpaǵa baǵyttalǵan soqqylardyń 93,0 paıyzyn keri qaıtardy. Osy qýanyshty habardy estigende: «Árıne, úzdikter qatarynan kóriný men úshin úlken qurmet. Osy jaıttyń ózi eńbegimniń baǵalanǵanyn baıqatady. Biraq men qandaı da maqtaýǵa bola toqmeıilisýden aýlaqpyn. Alda áli alynbaǵan belester kóp. Men sol bıikterden kóringim keledi. Sol sebepti de áli de kóp jumys isteý kerek», - dep Paskýale aǵynan jaryldy.
Sonymen qatar «TOP-10» qaqpashynyń qatarynda Ilıa Sorokın (SSKA), Iýha Metsola (Salavat Iýlaev), Tımýr Bılıalov (Aq Bars), Ivan Bocharov («Dınamo» Máskeý), Aleksandr Samonov (SKA), Iаkýb Kovarj («Avtomobılıst»), Harrı Sıaterı («Sıbır»), Adam Reıdeborn («Aq Bars») jáne Iаnıs Kalnınsh («Iokerıt») syndy sańlaqtar bar.