Messendjerlerde 42 500 teńge tóleýge arnalǵan qarajat zeınetaqy jınaqtarynan alynyp jatyr degen aqparat taraýda. Eńbek jáne halyqty áleýmettik qorǵaý mınıstrliginiń baspasóz qyzmeti munyń shyndyqqa janaspaıtynyn habarlady.
Tótenshe jaǵdaıdyń engizilýine baılanysty tabysynan aıyrylǵan azamattarǵa 42 500 teńge kólemindegi áleýmettik tólemdi tóleý úshin Memlekettik áleýmettik saqtandyrý qorynan qarajat bólingen.
«Azamattardyń jalǵan aqparatqa nazar aýdarmaýyn jáne aqparatty tek resmı kózderden ǵana paıdalanýyn suraımyz. Jalǵan aqparatty taratqandar zań boıynsha jazalanatynyn eske salamyz» delingen habarlamada.