Call-ortalyqtardyń jumysy qyzý

Sıfrlyq damý, ınnovasııalar jáne aeroǵarysh ónerkásibi mınıstriniń orynbasary Abylaıhan Ospanovtyń aıtýynsha, Halyqqa qyzmet kór­setý ortalyqtary jabyl­ǵan­nan keıin azamattarǵa bar­lyq másele boıynsha úzdiksiz ke­ńes berip otyrý úshin call-ortalyqtardaǵy qyz­metker­lerdiń qatary 200-den 2 myńǵa kó­beı­tilipti. Tótenshe jaǵdaı jarııa­lanǵanǵa deıin 1414 nómeri táýligine 25-30 myń qońy­raý qabyldasa, qa­zir kún saıyn 600 myńnan as­tam qońy­raý­ǵa jaýap beredi. Sóı­tip bar­ly­ǵy 4 mln-nan astam keńes be­rilgen.

– Osyǵan deıin qashyqtan 85 461 ESQ (Elektrondy sıfrly qoltańba) berildi. Jaqynda zańdy tulǵalarǵa da berýdi iske qosyp, 1 337 zańdy tulǵa ESQ-ny qashyqtan aldy. Memleket bas­shysynyń tapsyrmasy sheń­berinde memlekettik qyz­met­kerlerdiń 70 paıyzy qashyq­tan jumys isteı bastady. 21 memlekettik organ «bultty» qu­jat aınalymyna kóshti. Qazir osy jańa júıe boıynsha 5,5 myń memlekettik qyzmet­ker jumys istep jatyr. Biz mem­le­kettik organdardyń qujat aınalymyn jáne memlekettik qyzmet kórsetý isin qaǵazdan tolyq aryltý prosesin jal­ǵas­tyramyz, – dedi vıse-mınıstr.

A.Ospanov 42 500 teńge áleýmettik kómek eGov.kz portaly, 42500.enbek.kz saıty arqyly jáne 1414 nómirinen SMS jiberýmen beriletinin, sondaı-aq avtomatty túrde taǵaıyndalatynyn aıtty. @Help42500Bot telegram-bot ta áleýmettik kómekke ótinish berýdi barynsha ońaılatý úshin ashyldy.

– О́te mańyzdy bir máselege toqtalǵym keledi. «Sıfrly Qazaqstan» baǵdarlamasyn júzege asyrýǵa júzdegen mlrd teńge bólindi degen áleýmettik jelilerdegi aqparat shyndyqqa janaspaıdy. Shyn mánisinde bul baǵdarlamaǵa 2 jylda res­pýblıkalyq bıýdjetten 41 mlrd teńge bólindi. Onyń tek 11,1 paıyzy, ıaǵnı 4,6 mlrd teń­gesi, Sıfrlyq damý, ınnovasııa­lar jáne aeroǵarysh ónerkásibi mınıstrligi júzege asyryp jatqan baǵdarlamalarǵa jum­saldy. Mınıstrlik bıýdjetinde «Sıfrly Qazaqstan» baǵdar­lamasynan bólek, barlyq mem­lekettik organdardyń aǵym­daǵy ınfraqurylymyn qol­daýǵa baǵyttalǵan qarjy qaras­tyrylǵan. Mysaly, memle­kettik organdardyń barlyq aqparattyq júıelerine kanal usynýǵa 28,3 mlrd teńge jum­sa­lady. HQO-lardy ustap turýǵa jáne qyzmetin uıymdastyrýǵa 19,5 mlrd teńge bólinedi, – dedi vıse-mınıstr.

Baspasóz máslıhatynda «Ulttyq aqparattyq tehnolo­gııalar» AQ basqarma tór­aǵasy Áset Turysov eGov portalynyń áleýmettik kó­mek­ti taǵaıyndaýdaǵy mańyzyna toqtaldy.

– Bizge 18 saǵat ishinde, ıaǵnı 27 naýryzdyń túninen 28  naýryzǵa deıingi aralyqta 42500 teńge áleýmettik kómekti eGov portaly arqyly berýge múmkindik jasaý mindetteldi. Portal arqyly jarty mıllıonnan astam azamat ótinish berdi. О́tinishterdiń 101144-i elektrondy túrde tússe, 402 621 adam jańa servısti qoldandy. Eki táýlik ishinde iske qosylǵan telegram-botty qoldanýshylar tym kóp bolǵandyqtan, belgili bir shekteý qoıýǵa týra keldi. Osyǵan baılanysty 3 saǵat ishinde «Ulttyq ǵylymı tehnologııalar» AQ aımaqtar úshin barlyǵy 18 telegram-botty iske qosty. Búginge deıin osy bottar arqyly 515 myń ótinish qabyldandy, – dedi ol.

Sıfrlyq damý, ınnovasııa­lar jáne aeroǵarysh ónerkásibi mınıstriniń orynbasary Da­ryn Tuıaqov res­pýblıka boıyn­sha ınternet je­lilerine túsken salmaq Jańa jyl túnin­degi júkten de asyp ketkenin aıtty. 

– Sýsyn men as sııaqty, ınternet te basty qajettilikke aı­naldy. Dúnıe júzi boıynsha ınter­netke artyq júk túsip jatyr. Mysaly, Eýropada ol 50 pa­ıyzǵa jýyqtady, Qazaq­standa Jańa jyl túnindegi kór­set­kishten de 2 ese asyp ketti, – dedi ol.

D.Tuıaqovtyń aıtýynsha, ınternet baılanysyn saqtaýǵa rezerv qorynyń 25 paıyzy ju­m­salǵan. Mınıstrlik ınter­nettiń jumysyn kúsheıtý úshin jergilikti ákimdiktermen birlesip iri qalalarda dińgekti antenna ornatyp jatyr.