Qyzylorda oblysynda taǵy 3 adamnyń ınfeksııa juqtyrǵany belgili boldy. Bul týraly oblystyq taýarlar, qyzmetterdiń sapasy men qaýipsizdigin baqylaý departamenti habarlady.
Úsheýi de Syrdarııa aýdanynda tirkelip otyr. Olar koronavırýstyq ınfeksııa juqtyrǵan adammen qarym-qatynasta bolýyna baılanysty karantındik stasıonarǵa jatqyzylyp, zerthanalyq synamalar alynǵan eken. PTR dıagnostıkalyq zertteý qorytyndysymen COVID-19 dıagnozy naqtylandy.
Qazir olarmen aralasqan adamdar anyqtalyp, barlyǵy medısınalyq baqylaýǵa alynyp, aýrý oshaqtarynda dezınfeksııalyq jumystar júrgizilýde.
О́ńirde vırýs juqtyrǵandar qatary 69 adamǵa jetti. Olardyń 35-i Shıeli aýdanynan tirkelip otyr. Jańaqorǵan aýdanynda 16, Qarmaqshy men Syrdarııa aýdandarynyń árqaısysynda tórtten, Aralda 1, Qyzylorda qalasynda 9 naýqas anyqtalǵan.