Seriktestik áleýeti serpin qosylǵanda artady

Keshe Aqordada Memleket basshysy Nursultan Nazarbaev Slovakııanyń Qazaqstandaǵy Tótenshe jáne ókiletti elshisi Peter Iýzadan, Grýzııanyń Qazaqstandaǵy Tótenshe jáne ókiletti elshisi Zýrab Pataradzeden, Mońǵolııanyń Qazaqstandaǵy Tótenshe jáne ókiletti elshisi Jagır Sýheeden, Qytaıdyń Qazaqstandaǵy Tótenshe jáne ókiletti elshisi Le Iýıchennen jáne Fınlıandııanyń Qazaqstandaǵy Tótenshe jáne ókiletti elshisi Ilkka Ýnto Kalervo Raısanennen Senim gramotalaryn qabyldady.

Keshe Aqordada Memleket basshysy Nursultan Nazarbaev Slovakııanyń Qazaqstandaǵy Tótenshe jáne ókiletti elshisi Peter Iýzadan, Grýzııanyń Qazaqstandaǵy Tótenshe jáne ókiletti elshisi Zýrab Pataradzeden, Mońǵolııanyń Qazaqstandaǵy Tótenshe jáne ókiletti elshisi Jagır Sýheeden, Qytaıdyń Qazaqstandaǵy Tótenshe jáne ókiletti elshisi Le Iýıchennen jáne Fınlıandııanyń Qazaqstandaǵy Tótenshe jáne ókiletti elshisi Ilkka Ýnto Kalervo Raısanennen Senim gramotalaryn qabyldady.

Memleket basshysy elshilerdi Qazaqstan Respýblıkasyndaǵy dıplomatııalyq mıssııalarynyń bastalýymen quttyqtap, olardyń qyzmetteri senim men ózara túsinistikti nyǵaıtýǵa, ekijaqty yntymaqtastyq áleýetin barynsha arttyrýǵa baǵyttalatynyna senim bildirdi. «Bizdiń elimiz búgingi táýelsiz damýdyń mańyzdy jáne jaýapty kezeńin bastan ótkizip otyr. О́tken jylǵy jeltoqsanda Qazaqstannyń 2050 jylǵa deıingi damý baǵdarlamasy qabyldandy. Elimizde halyqaralyq mańyzy bar birqatar aýqymdy jobalar iske asyp jatqany málim. Qa­zaq­stannyń túrli qurlyqtaǵy se­riktesteriniń birlesip kúsh salýy­men elimizde iri «Qashaǵan» munaı-gaz ken orny óndirisi en­gizileıin dep otyr. «Qorǵas – Jetigen» temir joly iske qo­syl­dy. «Batys Eýropa – Batys Qytaı» avtomagıstraldik dálizi jú­zege asyrylýda. Elimizdiń Re­seımen jáne Belarýspen Keden odaǵyna jáne Birtutas ekonomıkalyq keńistikke múshe bolýynyń arqasynda Qazaqstan naryǵynyń múmkindikteri arta túsýde. Jańartylǵan jáne balamaly energııa kózderin damytý úshin elimizde ozyq tehnologııalar máselesi qolǵa alynyp jatyr. Qazaqstannyń «jasyl ekonomıkaǵa» ótýiniń jańa tujyrymdamasy bekitildi. Astanada «Bolashaqtyń energııasy» taqyrybynda EKSPO-2017 halyqaralyq mamandandyrylǵan kórmesi ótetin bolady», dedi óz sózinde Memleket basshysy.

Sondaı-aq, Elbasy Qazaq­standaǵy aýqymdy jańalyqtar ekonomıkalyq qana emes, saıası ólshemderdi de qamtıtynyn, bul­ rette Qazaqstan óńirlik jáne álemdik kezekti problema­lar­dy sheshýge belsene qatysyp otyr­ǵanyn jetkizdi. «Oǵan biz­diń EQYU-ǵa, Islam Ynty­maq­tastyǵy Uıymyna, Eýrazııa ekonomıkalyq qoǵamdastyǵyna, Shanhaı yntymaqtastyq uıy­my­na, Ujymdyq qaýipsizdik shart uıymyna jáne Túrki ke­ńesine tóraǵalyq etkeni dálel. Bizdiń elimiz Aýǵanstandy qal­pyna keltirý isinde álemdik qoǵamdastyqqa kómek kórsetip keledi, sondaı-aq, Irannyń ıadro­lyq problemasyn sheshýine de úles qosýda. Bıylǵy jyldyń kókteminde Almatyda Iran má­selesi boıynsha halyqaralyq kelissózder ótkizildi. Qazaqstan aldaǵy ýaqytta da halyqaralyq ilgerishil bastamalardy­ qol­dap, jahandyq jáne óńir­lik qaýipsizdikke óz úlesin qosa beretin bolady», dedi N.Nazarbaev.

Budan keıin Elbasy Senim gramotalaryn tapsyrǵan elder men Qazaqstan arasyndaǵy yntymaqtastyqtyń damý barysy jaıyna toqtalyp ótti. Máselen, Memleket basshysy QHR-men yntymaqtastyq Qazaq­stannyń syrtqy saıasattaǵy ba­sym baǵyttarynyń biri bolyp tabylatynyn, bul rette jan-jaqty seriktestik rýhynda ekijaqty ózara is-qımyl qarqyny udaıy artyp kele jatqanyn atap ótti. «Bul Qytaı Halyq Res­pýblıkasynyń tóraǵasy Sı Szınpınniń Qazaqstanǵa al­daǵy alǵashqy memlekettik sapa­ry­nyń nátıjesinde jańasha damıtyn bolmaq. Siz bizdiń hal­qymyzdyń arasyndaǵy senim men ózara túsinistikti odan ári jalǵastyra berýge kúsh sala­ty­nyńyzǵa kámil senemin», dedi N.Nazarbaev QHR-diń Qa­zaq­standaǵy elshisine qarata aıtqan sózinde.

Al Mońǵolııamen aradaǵy yn­tymaqtastyqqa toqtalǵan Qa­zaqstan Prezıdenti bul elmen ózara is-qımyldy jan-jaq­ty damytýǵa da jete mán beri­lip kele jatqanyn atap ót­ti. «Bizdiń saıası únqatysý ornat­qan vedomstvolyq baılanystary­myz ben parlamenttik ynty­maq­tastyǵymyz damyp keledi. Úkimetaralyq deńgeıdegi iskerlik baılanystardy jandandyrýǵa kúsh salýymyz kerek. Bul re