Tarıhy kóshpendiler órkenıetinen, keıingisi Qazaq handyǵynan bastaý alatyn táýelsiz Qazaqstannyń ózge eldermen terezesi teń, zaıyrly memleket bolyp, álemdik qaýymdastyqtyń ajyramas bóligine aınalǵanyna 30 jylǵa jýyqtady.
Qaı ǵasyr, qaı dáýirde bolsyn ult taǵdyryna kezikken syn saǵattar boldy. Birde jaýgershilik, birde jut, taǵysyn taǵy. Tarıhtyń qaı soqpaǵy bolsyn qazaq halqy shyrǵalańnan jol taýyp, qıyndyqtar men daǵdarystarda moıymaı, kesapat pen kesirdi birlik, yntymaqpen jeńip otyrǵan. El bılegen sultandar, bı-danalar men abyzdar eldi kesimdi bir sózimen toqtatyp, jaqyndy barlap, alysty boljap pátýa qylǵan.
Sol bir ata dástúrdiń jolymen Tuńǵysh Prezıdentimiz Nursultan Nazarbaevtyń «Birlese bilgen el bárin jeńedi» atty maqalasy halyqqa jol tartty. 2020 jyly álemdi alańdatqan, adamzatty ábigerge salǵan, álemdik ekonomıkanyń damý qarqynyn, tutynýshy qoǵamnyń tirshiligin bir páste baıaýlatyp, kútpegen aýyrtpashylyqqa tutqıyldan ákelgen koronavırýs dertimen kúres jaǵdaıynda eldi sabyrǵa, yntymaqqa, birlikke shaqyrǵan úndeý – máńgilik eldiń búgingi kún tártibi. Bul aǵa urpaqqa – hat, atqaminerge – baǵyt, jastarǵa – nusqaýlyq. Baǵalaı bilgenge – bolashaqqa baǵdar, saralaı bilgenge – sanaly oı, uǵyna bilgenge ult taǵdyry der edim.
Amalbek О́MIRTAI,
Túrkistan oblystyq Jastar resýrstyq ortalyǵynyń basshysy