Almaty mańynda áskerı-dalalyq gospıtal turǵyzyldy. Naýqastardy qabyldaý jáne dıagnostıkalyq bólimsheler, dárihana, operasııalyq blok pen jansaqtaý bólimshesi bar aýrýhana 72 saǵatta boı kótergen.
Jyljymaly emdeý mekemesinde Almaty men Almaty oblysyndaǵy koronovırýs juqtyrǵandar jergilikti aýrýhanalarǵa syımaǵan jaǵdaıda osy áskerı gospıtalǵa jatqyzylady. Munda zamanaýı medısınalyq qurylǵylar jetkilikti. Ondaǵylar Densaýlyq saqtaý mınıstrliginiń qaýlysy boıynsha áreket etedi. Jylytý jáne aýa baptaý júıelerimen qamtamasyz etilgen gospıtalde tazalyqqa qajetti jabdyqtar men jýyný bólmeleri de jumys istep tur.