Tótenshe jaǵdaı rejimi jarııalanǵaly polısııada tynym joq. Tańnyń atysy, kúnniń batysy bel jazbaı tártip kúzetinde júr.
Shekteý engizilgen shamaly ýaqyt ishinde polısııaǵa júktelgen mindet kóp. Sonyń qaısysy da jedel qımyldy, shuǵyl sheshim qabyldaýdy kerek etedi: shekteý talabyn buzǵandardy anyqtaý; koronavırýs týraly jalǵan aqparat taratýshylardy izdep taýyp, turǵyndardan keshirim suratyp, kópshiliktiń kóńilin ornyqtyrý; sáýirdiń surapyl boranynda qar qursaýynda qalǵandardy qutqarý; elektr jaryǵynyń joqtyǵyn paıdalanyp jalǵyzilikti jaıaý júrginshini torýyldaǵan qaskúnemderdiń jolyn kesý – tize bersek, sońǵy bir aıdyń ishinde polısııa atqarǵan saýapty is sansyz. Máselen, 7 sáýirde qarly boranda jolda qalǵan 100-den astam jolaýshy polısııanyń arqasynda óziniń otbasy, oshaq qasyna din aman oralǵan.
Búgin polısııa departamenti bastyǵynyń orynbasary Ardaq Yntyqbaev qyzmettik boryshyn adal ótep júrgen patrýldik polısııa sapyndaǵy 70 qyzmetkerge leıtenant pogondaryn tapsyrdy. Ishki ister organdarynyń qyzmetkerleri esh qıyndyqqa qaramastan ózderine senip tapsyrylǵan mindetti múltiksiz oryndap jatqanyn atap ótken A.Yntyqbaev: - Sizderdi shyn júrekten quttyqtaımyn! Búgin Ishki ister mınıstriniń buıryǵymen sizder polısııa leıtenanty degen arnaıy ataqqa ıe boldyńyzdar. Bul ishki ister organdaryn jetildirý jónindegi 2019-2021 jyldarǵa arnalǵan Jol kartasyn júzege asyrý barysynda jasalyp jatqan qadam. О́zderińizge artylǵan mindetti abyroımen aqtap shyǵatyndaryńyzǵa senimdimin, - dedi.
Qostanaı oblysy