Eskertildi, aıtyldy, talap etildi jáne kún saıyn habarlanýda. Alaıda Túrkistan oblysynda tótenshe jaǵdaı talabyn oryndamaǵan azamattar áli de kóp.
Oblys aýmaǵynda búgingi kúnge deıin kúsheıtilgen tótenshe jaǵdaı talabyn buzǵan 233 nysanǵa ákimshilik quqyq buzýshylyq týraly Kodekstiń 476-babyna sáıkes hattamalar toltyrylyp, jergilikti sotqa joldanǵan. Sot sheshimimen 157 tulǵaǵa 10 AEK esebinde aıyppul salynyp, 53 adam qamaýǵa alynǵan. Qamaýǵa alynǵandar, ásirese, Kentaý (9) men Arys qalasynda (7) jáne Jetisaı aýdanynda (7) kóp. Sondaı-aq Báıdibek aýdanynda -2, Qazyǵurt aýdany-5, Maqtaaral-2, Ordabasy-2, Otyrar –3, Saryaǵash-4, Keles-3, Túrkistan qalasy - 4, Saıram - 2, Tólebı-1, Túlkibas-1, Sozaq aýdanynda bir adamdy qamaýǵa alý sharasy qoldanylǵan.
Al oblys ortalyǵy Túrkistan qalasy boıynsha 41 (qoǵamdyq tamaqtaný oryndary-15, saýda oryndary-8, azyq túlik dúkeni-15, shashtaraz-2, tigin sehy-1) ákimshilik quqyq buzýshylyq hattama toltyrylyp, sotqa ótkizilgen. Onyń 37-sine aıyppul salynyp, 4 adam qamaýǵa alynǵan.
Túrkistan oblysy