«Elordalyqtar 2020 jyldyń 1-31 naýryzy aralyǵynda medısınalyq saqtandyrý úshin 2,3 mlrd teńgeden asa jarna aýdardy» – dep habarlaıdy MÁMS júıesinde turǵyndardyń múddesin qorǵaıtyn, medısınalyq qyzmet sapasy men onyń qoljetimdiligin baqylaýda ustaıtyn «Áleýmettik medısınalyq saqtandyrý qory» KEAQ Nur-Sultan qalasy boıynsha fılıalynyń baspasóz qyzmeti.
Júıe iske qosylǵan 2017 jyldyń 1 shildesi men 2020 jyldyń 31 naýryzy aralyǵyndaǵy jınaqtalǵan jarnanyń jalpy somasy 371 mlrd teńgeden asady.
«Medısınalyq saqtandyrý qoryna jarna aýdarýda elordalyq jumys berýshiler kóshbasynda deýge bolady. Elordalyqtar 2020 jyldyń 1-31 naýryzy aralyǵynda medısınalyq saqtandyrý úshin 2,3 mlrd teńgeden asa jarna aýdarǵan. Olardyń jarnalary men aýdarymdarynyń qomaqty bóligi – 1,5 mlrd teńgeden astamy jumys berýshilerdiń aýdarymdary, al 8,1 mln teńgeden astamy – jeke kásipkerlerden túsken jarnalar», - deıdi «Áleýmettik medısınalyq saqtandyrý qory» KEAQ Nur-Sultan qalasy boıynsha fılıalynyń dırektory Aıdar Seıitqazınov.
Áleýmettik medısınalyq saqtandyrý qoryna túken barlyq mindetti áleýmettik medısınalyq saqtandyrý jarnalary, ıaǵnı jınaqtalǵan qarjy, Ulttyq bankpen arada jasalǵan senimgerlik basqarý týraly kelisimshartqa sáıkes, Ulttyq bankte saqtalady da, Mindetti áleýmettik medısınalyq saqtandyrý paketi sheńberindegi qyzmetter aqysyn tóleýge jumsalady.