Túrkistan oblysynda «Biz birgemiz!» aksııasy aıasynda maqtaaraldyq jomart kásipkerler halyqpen birge ekendikterin kórsetýde. Maqtaaral aýdanyndaǵy «Hamro ata» aýyl sharýashylyǵy óndiristik kooperatıviniń tóraǵasy, jeke kásipker Abýdhashım Boev 60 otbasyǵa azyq-túlik pen gıgıenalyq zattardy úlestirip berdi. Kásipker buǵan deıin de 200 otbasyǵa qaıyrymdylyq jasap, kóptiń alǵysyn alǵan bolatyn.
Jalpy Maqtaaral aýdanynda kentter men aýyldyq okrýg ákimdikteri tarapynan Uly otan soǵysy ardagerleriniń, kóp balaly otbasylardyń, jalǵyzilikti analardyń tizimi jasaqtalyp, muqtaj jandarǵa antıseptıkalyq quraldar, medısınalyq maskalar jáne birinshi kezekte qajetti ónimder men azyq-túlikter taratylýda.
Sondaı-aq Túrkistan oblysy boıynsha Memlekettik kirister departamentiniń qyzmetkerleri «Biz birgemiz!» aksııasy aıasynda salyq jáne keden salasynyń ardagerlerine kúndelikti qajetti azyq-túlikterdi úlestirdi. Ardagerlerge saqtyq sharalaryn saqtap, meılinshe úıde bolý qajettigin eskertti. Departament ókilderi memleket tarapynan indetti taratpaý, eldiń densaýlyǵy men qaýipsizdigin saqtaý maqsatynda atqarylyp jatqan keshendi jumystardy qoldaı otyryp, qıyn sátte qoǵamǵa qoldan kelgen kómekti kórsetý azamattyq paryzy sanaıdy.
Túrkistan oblysy