Qyzylorda oblysynda koronavırýs juqtyrǵan áıel aman-esen bosandy. Bul týraly Densaýlyq saqtaý vıse-mınıstri Lázzat Aqtaeva habarlady.
8 sáýir kúni aýrýhanaǵa túsken aıaǵy aýyr kelinshektiń syrqattanyp turǵany baıqalǵan. Tekserý barysynda onyń dene temperatýrasy 38,1 gradýsqa deıin jetken eken. Júkti áıelden alynǵan testtiń nátıjesi onyń koronavırýs juqtyrǵanyn kórsetken.
Bosaný kezinde eshqandaı qıyndyq bolmaǵan. Shaqalaq aman-esen dúnıe esigin ashypty. Sábıdiń salmaǵy 2970 gramm, boıy – 51 santımetr. Jaǵdaıy qalypty. Koronavırýs ınfeksııasyna baılanysty analız alynǵan.
Kelinshekti kezekshi brıgada qajetti qorǵanys kıimimen bosandyrǵanyn aıta ketken jón. Sodan keıin olar 2 aptaǵa úı karantınine jiberildi.
Koronavırýs juqtyrǵan kelinshekti bosandyrǵan Qyzylorda oblystyq perzenthanasynyń qyzmetkerleri mynalar:
Aqbota Qonqabaeva, akýsher – gınekolog
Aıgerim Eńsepbaeva, akýsherka
Merýert Aqqaıyrova, neonatolog
Aıgúl Turǵanbaeva, meıirbıke