Bıylǵy jyldyń 29 maýsymy men 12 shildesi aralyǵynda Londonda ótýge tıis «Ýımbldon» týrnıri koronavırýske baılanysty keıinge shegerilgeni belgili.
Sońǵy ret aıtýly doda 1945 jyly keıinge shegerilgen edi. Sodan keıin tabany kúrekteı 75 jyl boıy ol belgilengen ýaqytynda úzdiksiz uıymdastyrylyp keldi. Mine, endi jer jahanda koronavırýs dertiniń órshýine baılanysty aıtýly jarysty ótkizý merzimin taǵy ózgertýge týra kelip otyr.
Desek te qandaı da istiń aldyn alýǵa beıimdelgen aǵylshyndar aıtýly jarystyń túrli sebepterge baılanysty ótpeı qalý qaýpin sezinip, 2003 jyldan beri saqtandyrý kompanııalardyń kómigine júginip kelgen eken. Sol maqsatqa olar jyl saıyn 2 mıllıon AQSh dollary kóleminde qarjy jumsap otyrǵan. Bul aqparatty The Daily Mail basylymy taratyp otyr. Endi koronavırýske baılanysty Ýımbldonnyń keıinge shegerilgeni úshin saqtandyrý kompanııasy uıymdastyrýshylarǵa 141 mıllıon dollar tóleýge tıis.