Túrkııada koronavırýstan qashyp aǵashtyń ishine tyǵylǵan adamǵa baılanysty sot isi qozǵaldy.
Túrkııanyń Samsýn aımaǵynyń Ilkaı Gúmúshsý esimdi turǵyny aǵashtyń ishin oıyp, úı jasap, ony áleýmettik jelige salǵan. Ol bul qadamyn koronavırýstan qorǵaný úshin dep túsindiredi.
«Koronavırýs kelsin de, meni osy jerden taýyp alsyn. Toqyldaq sekildi uıa jasap aldym. Áı, koronavırýs! Erkek bolsań, meni taýyp al» deıdi Ilkaı ózi túsirgen vıdeoda.
Orman basqarmasy Gúmúshsýdyń áreketin zańsyzdyqqa balap otyr. Olardyń sózine súıensek, Ilkaı qaıyń aǵashynyń ishin oıyp, qorshaǵan ortaǵa zııan keltirgen. Osylaısha, ony ákimshilik jaýapqa tartpaq.
Alaıda Aıvachık aýylynyń turǵyny ózine taǵylǵan aıyppen kelispeıdi. «Tiri aǵashtyń ortasyn tesý múmkin be? Qaıyńnyń ishi o bastan qýys edi. Men esik qana jasadym» deıdi Ilkaıdyń ózi.
Koronavırýstan qashqan azamat óz áreketin indetten zárezep bolǵandardyń kóńilin kóterý úshin jasadym dep túsindiredi.