Jýyrda aýyr atletıkadan Olımpıada jáne eki dúrkin álem chempıony Zúlfııa Chınshanlo turmysqa shyqty.
Zúlfııanyń aıtýynsha, ol kúıeýin burynnan biledi.
Jýyrda aýyr atletıkadan Olımpıada jáne eki dúrkin álem chempıony Zúlfııa Chınshanlo turmysqa shyqty.
Zúlfııanyń aıtýynsha, ol kúıeýin burynnan biledi. Qytaıda júrgende aýyr atletıkamen aınalysýdy birge bastaǵan eken. Biraq Zúlfııa qazir kúıeýim sportpen aınalyspaıdy deıdi. «Ol Olımpıada kezinde maǵan qoldaý kórsetip otyrdy. Olımpıada bitkende ekeýmiz demalysta kezdesip júrdik. Basqa ýaqytta ınternet arqyly habarlasyp turdyq», deıdi Chınshanlo.
Odan keıin ekeýi jıi-jıi habarlasyp, Chınshanlonyń jigiti Almatyǵa kelip, AHAJ-da nekelerin tirkeýge ótinish jasapty. Buǵan, árıne, Chınshanlo esh qarsylyq bildirmeı, nekelesýge ýádesin beripti. Biraq bul týraly Zúlfııa eshkimge tis jarmapty jáne bolashaq kúıeýine de solaı jasaýdy ótinipti. Zúlfııanyń ózi tabıǵatynan momyn, ózin jarnamalaýdy kóp unata bermeıtin sportshy ekenin bilemiz. Sol sebepten de ol shańyraq kóterýlerine baılanysty úlken saltanat jasamaǵan. Tek bul týraly birneshe adam ǵana habardar bolypty. Nekesin tirkegennen keıin de Chınshanlo óziniń otbasyn qurǵanyn jarııalamaǵan. Qazir de ol jubaıynyń esimin aıtqysy kelmeıdi. Bir anyǵy, ol Qytaı azamaty degen derek bar. Biraq aty-jóni bizge belgisiz. Atyn ári-beri surastyryp kórip edik. Nátıje shyqpady. Surastyrǵan adamdardyń bári Zúlfııa atyn jasyrady dedi.
Buǵan deıin taǵy bir aýyr atletıkadan Olımpıada chempıony Maııa Maneza da turmysqa shyqqan bolatyn. Al jaqynda ol kúıeýi, ziltemirshi Vıacheslav Ershov ekeýi uldy boldy. Balasynyń atyn Arsenıı qoıdy. Shilde aıynyń basynda Olımpıada chempıony Svetlana Podobedova men aýyr atlektıkadan 2009 jylǵy álem chempıony Vladımır Sedov ta shańyraq kótergeni belgili.
Dastan KENJALIN,
«Egemen Qazaqstan».