Qyzylordada vırýs juqtyrǵandar kóbeıip, oblys ortalyǵy men birqatar aýdandarda karantın jarııalanǵany belgili. Oblystyń bas sanıtarlyq dárigeriniń №7 qaýlysynan keıin de taǵy birqatar shekteý sharalary engizildi.
Osyǵan baılanysty qala ákimdigi men jergilikti kásipkerler palatasy qala ishinde tek qana azyq-túlik taýarlaryn, dárilik, medısınalyq zattar jáne janar-jaǵar maı tasymaldaýshy kásipkerler ǵana júrip-tura alatynyn eskertip otyr.
Kásipkerler «Sergek» bazasyna engizilip, beketterden osy bazadaǵy derek boıynsha ótedi. Kásip ıelerin bazaǵa tirkeýdi kásipkerler palatasy óz jaýapkershiligine aldy. Ol úshin kásipkerler ózderiniń fırmalyq blankilerine arnaıy ázirlengen ótinish formasyn toltyryp, tıisti oryndarǵa elektrondy poshta arqyly joldaýy qajet.
Osy taýar túrlerin tasymaldap júrgen kásipkerler kedergige tap bolsa palata ókilderine habarlasa alady.