9 sáýirde tún jamylǵan úsheý oblys ortalyǵyndaǵy Amangeldi kóshesinen «Tekstılshık» saıajaıyna deıin «Indraıver» taksıine tapsyrys beredi. 38 jastaǵy júrgizýshi mingen «Lada Kalına» avtokóligi kelgen soń, kúdiktilerdiń ekeýi artqy oryndyqqa, bireýi júrgizýshiniń janyna jaıǵasady.
Taksı mejeli jerge toqtaǵan soń, artta otyrǵandardyń biri júrgizýshiniń moınyna arqan salyp, aqsha talap etip, qylǵyndyra bastaǵan. Sátin salǵanda, júrgizýshi moınyndaǵy qyl buraýdan sytylyp shyǵyp, polısııaǵa habarlasyp úlgeredi. Abdyrap qalǵan qaskúnemder kóliktegi eki uıaly telefon men regıstratordy alyp, taıyp turǵan. Dereý oqıǵa ornyna jetken polısııa patrýli jábirlenýshiden kúdiktilerdiń túr-tulǵasy týraly málimet alyp, barlyq kúzet beketterine shuǵyl aqparat jiberedi.
-Habar túsisimen aǵa leıtenant Jánibek Myrzahmetov pen aǵa serjant Amantaı Baıjanov Qorǵan kóshesinen jábirlenýshi sıpattaǵan kúdiktilerge uqsaıtyn eki adamdy ustady. Júrgizýshi kúdiktilerdi birden tanyǵan. Úshinshi jigit keıin óz páterinde ustaldy. Úsheýi de buryn sottalǵan Qostanaı oblysynyń turǵyndary bolyp shyqty. Jas mólsherleri 20-24 jas shamasynda. Qazir sotqa deıingi tergeý júrip jatyr, - dep habarlady polısııa departamentiniń baspasóz qyzmeti.
Qostanaı oblysy