Oblystyq polısııa departamenti baspasóz qyzmetiniń habarlaýynsha, Atyraýda tótenshe jaǵdaı rejimi engizilgennen beri 269 adam ákimshilik jaýapkershilikke tartylǵan. Onyń ishinde 10 adam tótenshe jaǵdaı kezinde quqyq tártibin buzýǵa ıtermeleıtin is-áreketter jasaǵan. Al, 211 adam tótenshe jaǵdaı rejımin buzǵan. Sot qaýlysymen 88 adamǵa qatysty ákimshilik aıyppul salynyp, 89 azamat qamaýǵa alynǵan.
«Atyraý qalasynda 10 sáýirge qaraǵan túni kóshede júrgeni úshin 48 adam ákimshilik jaýapkershilikke tartyldy. Olardyń tórteýi –shetel azamaty. Sonyń biri Atyraýda ýaqytsha turatyn Túrkııanyń azamaty saǵat 23:30-da medısınalyq maskasyz júrgen. Saǵat 00:20-da Túrkııanyń taǵy bir azamatynyń kóshede maqsatsyz júrgeni anyqtaldy. Karantın rejimin buzǵandardyń arasynda О́zbekstan Respýblıkasynyń eki azamaty da bar. Quqyq buzǵandarǵa qatysty QR Ákimshilik quqyqbuzýshylyq týraly Kodekstiń 476-babynyń 6-bóligimen toltyrylǵan hattama materıaldary sotqa joldandy» dep habarlady oblystyq polısııa departamenti baspasóz qyzmeti.
Sondaı-aq tótenshe jaǵdaı talaptaryn buzý faktilerimen 40-tan astam sýbekt jaýapkershilikke tartylǵan. Olardyń arasynda 6 kafe, 10 azyq-túlik emes dúken, 9 ashana, 3 býkmekerlik keńse, 1 fotosalon, 2 kompıýter klýby, 1 shashtaraz, 1 saýna, 2 kólik jýý orny bar.
Jumasat ǴAZIZ