Bul elde kúni búginge koronavırýstyń birde-bir jaǵdaıy rastalǵan joq. Biraq soǵan qaramastan shekarasyn jabýǵa sheshim qabyldady.
«Tájikstanǵa koronavırýstyq ınfeksııanyń enýi men taralýynyń aldyn alý úshin shetel azamattary men azamattyǵy joq adamdarǵa kirýge jáne shyǵýǵa ýaqytsha shekteýler engizildi», dep habarlady sol eldiń SIM baspasóz qyzmeti.
Baspasóz qyzmeti habarlaǵandaı, shekteýler halyqaralyq júk tasymalymen aınalysatyn júrgizýshilerge, áýe kemeleri ekıpajdary men halyqaralyq temirjol qatynasy ekıpajdaryna, sondaı-aq shet memleketterdiń dıplomattaryna jáne halyqaralyq uıymdar men qarjy ınstıtýttarynyń ókilderi, olardyń Tájikstan Respýblıkasynda tirkelgen olardyń otbasy múshelerine qoldanylmaıdy.
Sońǵy kórsetilgen sanatqa adamdar kirgen jaǵdaıda, olardyń turaqty turǵylyqty jerlerinde Densaýlyq saqtaý jáne áleýmettik qorǵaý mınıstrligi qyzmetkerleriniń baqylaýymen 14 kúndik oqshaýlaý rásimi qarastyrylǵan.
«Eger joǵaryda atalǵan sanattarǵa jatpaıtyn shetel azamattarynyń Tájikstan Respýblıkasynan ketýi qajet bolsa, COVID-19-nyń enýi men taralýyn boldyrmaý úshin respýblıkalyq shtabta charterlik reısterdi uıymdastyrýdy qaraýǵa daıyn» dedi SIM.
Tájikstanda áli koronavırýstyń birde-bir jaǵdaıy rastalǵan joq. Tájik úkimeti bul qadamǵa saqtyq úshin baryp otyr. Biz osyǵan deıin Tájikstannyń geografııalyq ornalasýy pandemııanyń áseriniń álsiretip otyrǵanyn, Reseı, Qazaqstan, О́zbekstannyń shekarasyn jabýy tájik eline áserin bergenin, kórshileri dertten qorǵaný úshin esigin jaýyp úlgirgenshe, tájikter esin jıyp, saqtyq sharalaryn qatańdatqanyn jazǵanbyz.