Túrkistan oblysyn áleýmettik-ekonomıkalyq damytýdyń 2024 jylǵa deıingi keshendi jospary aıasynda, Túrkistan qalasynyń aýmaǵynda 11 myń gektarǵa azyq-túlik beldeýin qurý boıynsha aýqymdy jumystar bastaldy.
Atap aıtqanda, «Túrkistan Agro HHI» JShS-men quny 1,7 mlrd teńge bolatyn, 733 gektarǵa jańbyrlatyp sýarý tehnologııasyn endirý jáne MTS qurý jobasy iske asýda. Atalǵan seriktestiktiń jer kólemi 1046 gektar bolady, 108 sharýa qojalyq biriktirilgen. Ol jerde AQSh-tyń «T-L» kompanııasynyń 18 jańbyrlatyp sýarý mashınalary ornatylyp, 200 gektarǵa kúzdik bıdaı, 322,5 gektarǵa jońyshqa egilgen. Jazdyq bıdaı men júgeri egýge jer daıyndalýda. Egistik basynda bolǵan oblys ákimi О́mirzaq Shókeev atqarylyp jatqan iske oń baǵasyn berdi. «Jańbyrlatyp sýarý tehnologııasynyń artyqshylyǵy kóp. Buryn 1 gektarǵa 12-15 myń tekshe metr sý shyǵyndalsa, qazir onyń kólemi eki ese azaıdy. Eń aldymen myńdaǵan gektar alqapty sýarý jaǵynan týatyn qıyndyq sheshildi. Iаǵnı, bizdiń aýmaqqa óte tıimdi ádis. Qýaryp, bos jatqan jerlerde azyq-túlik beldeýi qalyptasyp, ájepteýir nátıje berip otyr. Bul jerlerge aryq qazyp, sý ákelýdiń tıimsiz ekenin túsinip, jańa ádisti qolǵa aldyq. AQSh-tan arnaıy qondyrǵylar aldyrdyq. Kóp kúttirmeı, jemisin kórer kún alys emes», dedi oblys ákimi О́mirzaq Estaıuly.
Arys - Túrkistan kanaly arqyly munda sý tórt júıemen keledi. Úlken basseın salynǵan. Qondyrǵylardyń barlyǵyna qubyr arqyly sý jetkizilip turady. 26 birlik zamanaýı aýyl sharýashylyǵy tehnıkalary, «Djon Dır»traktory, kombaıny jáne basqa da sharýashylyqqa qajetti qondyrǵylar alyndy. Alynatyn jem -shóp qory ıtalııalyq tehnologııamenjabdyqtalǵan, quny 3,5 mlrd teńge bolatyn, 1200 basqa arnalǵan taýarly-sút fermasyn azyqpen qamtamasyz etýge paıdalanylmaq. Sonymen qatar, azyq-túlik beldeýinde «SPK-SAURAN» AShО́K-men quny 1,5 mlrd teńge bolatyn 650 gektardyjańbyrlatyp sýarý tehnologııasyn endirý jobasy iske asýda. Qazirgi tańda, AQSh-tyń «Valmont Industries» kompanııasymen 3 jańbyrlatyp sýarý mashınasy 153 gektar aýmaqqa ornatylsa, qalǵan 9 birligi aldaǵy qyrkúıek aıyna deıin iske qosylady. Alqaptan jınalatyn jem - shóp avstralııalyq tehnologııamen jumys isteıtin, quny 2 mlrd teńge bolatyn, 10 myń basqa arnalǵan iri qara mal bordaqylaý alańyn azyqpen qamtamasyz etýge baǵyttalady. О́ńirde «Ordabasy-qus» JShS-men quny 938,4 mln teńgelik 782 gektarǵa 9 birlik jańbyrlatyp sýarý tehnologııasyn endirý jobasy iske asady. Onda 71 jer ıelenýshi sharýashylyq birigip, júgeri daqylyn egýge kirisken. Alynatyn ónim esebinen jylyna 8 100 tonna kúrke taýyq etin óndiretin kásiporyn azyqpen qamtamasyz etilmek.Sondaı-aq «KAZAGRO PROJECT» JShS-men quny 12,8 mlrd teńge bolatyn jylyna 20 myń tonna qus etin óndirý jobasy iske aspaq. Joba aıasynda 5 myń tonna qus etin óndirý josparlanǵan. Atalǵan baǵytta búginde seriktestiktiń qarjylaı kepildemesi anyqtalyp, «Túrkistan» ÁKK» UK» AQ-men birlesken kásiporyn qurý jumystary júrgizilýde.