- Atyraý qalasynyń mamandandyrylǵan ákimshilik sotynda Ákimshilik quqyqbuzýshylyq týarly Kodekstiń 608-babynyń 8-bóligi jáne 476-babynyń 6-tarmaǵymen azamatsha A.J.-ǵa qatysty ákimshilik ister qaraldy. Sotta anyqtalǵandaı, onyń kólik quralyn basqarý quqyǵy bolmaǵan. Alaıda, 2020 jyldyń sáýir aıynda túngi ýaqytta alkogoldik masań kúıde avtokólikti basqarǵan. Quqyq qorǵaýshylarmen onyń áreketi kólik quralyn masań kúıde basqarý jáne tótenshe jaǵdaı rejımin buzý dep dárejelengen, - dep habarlady oblystyq sottyń baspasóz qyzmeti.
Sot otyrysynda quqyq buzýshy kinásin moıyndaǵan. Ol aqtalý úshin páter kiltin ápkesine jetkizý úshin kólik quralyn basqarýǵa májbúr bolǵanyn aıtqan. Biraq, sot oǵan qatysty birneshe qaýly shyǵardy. Sóıtip, mas kúıde kólik rýline otyrǵan áıelge QR Ákimshilik quqyqbuzýshylyq týraly Kodekstiń 608-babynyń 8-bóligimen 371 140 teńge ákimshilik aıyppul salyndy. Sondaı-aq, atalǵan Kodekstiń 476-babynyń 6-tarmaǵymen eskertý túrindegi jaza qoldanyldy.
Jumasat ǴAZIZ