Sońǵy málimetter boıynsha О́zbekstanda aýyr halde jatqandardyń sany – 14. Jaǵdaıy aýyr naýqastardy emdeý úshin О́zbekstan taıaý kúnderde jańa ádisterdi qoldanýǵa sheshim qabyldap otyr.
Respýblıkanyń Densaýlyq saqtaý mınıstrliginiń málimetinshe, emdelip shyqqandardyń qan sarysýyn paıdalaný vırýsqa shaldyqqandardy jyldam emdeýge múmkindik beredi. Tájirıbeli ǵalymdar men dárigerlerdiń kelisimimen júzege asatyn ádis boıynsha aýyr haldegi naýqastarǵa qan sarysýy quıylatyn bolady. Mamandar COVID-19 shaldyǵyp, emdelip shyqqandardyń qan sarysýynda vırýsty joıatyn antıdeneler bar degen sheshimge kelip otyr. Mundaı qadamǵa barmastan buryn dárigerler emdelip shyqqandardy tolyqtaı medısınalyq teksreýden ótkizip, ınfeksııanyń birneshe túrine tekseretin bolady. Emdelip shyqqandar úshin qan sarysýyn tapsyrýdyń esh zııany joq. Al ony naýqastarǵa paıdalaný tek dárigerdiń qatań baqylaýy arqyly ǵana júzege asatyn bolady.