О́kinishke qaraı, Jetisý ólkesinde koronavırýs ınfeksııasyn juqtyrǵandar sany taǵy bir naýqasqa kóbeıdi. Oblys ákiminiń baspasóz qyzmeti aımaqtaǵy on birinshi adamnyń boıynan indet belgisi anyqtalǵanyn rastady.
Syrqat juqtyrǵan qyz bala 1991 jyly týǵan, Eńbekshiqazaq aýdany, Esik qalasynyń turǵyny eken. Indet belgisi rastalǵannan keıin ol aýdandaǵy ortalyq aýrýhananyń ınfeksııalyq bólimine jatqyzylǵan. Qazir naýqaspen qarym-qatynasta bolǵan jandar shuǵyl izdestirilýde. Baılanysta bolǵan adamdar anyqtala salysymen olar da tolyqtaı karantınge alynady.
Jalpy, 11 sáýir kúngi jaǵdaı boıynsha Almaty oblysynda koronavırýs ınfeksııasymen aýyrǵan 11 oqıǵa tirkelgen. Al keshe 1 naýqas saýyǵyp, úıine jiberilgen bolatyn.
Almaty oblysy