Bul týraly Densaýlyq saqtaý mınıstrligi habarlady.
Qazaqstan Respýblıkasy Prezıdenti janyndaǵy Tótenshe jaǵdaı rejımin qamtamasyz etý jónindegi memlekettik komıssııa otyrysynyń 3 sáýirdegi hattamasynyń (№9 hattama) sheshimi boıynsha, oblystar, Nur-Sultan, Almaty jáne Shymkent qalalarynyń ákimdikterine ınfeksııaǵa qarsy kúreske tartylǵan «karantındik» aımaqta júrgen barlyq qyzmetkerdi tamaqpen qamtyp, turmystyq jaǵdaı jasaý jáne olardy tasymaldaý týraly tapsyrma berilgen bolatyn, alaıda 10 sáýirdegi jaǵdaı boıynsha bul pármendi barlyq óńir oryndamaǵan.
Máselen, óńirlerden túsken derekterge súıensek, 8 aımaqta (Aqmola, Almaty, Atyraý, ShQO, Qostanaı, Qyzylorda, Mańǵystaý, Túrkistan) ınfeksııalyq stasıonarlardaǵy medısına qyzmetkerleri 100 paıyz medısınalyq mekemeler men úıde qalady. Memkomıssııanyń sheshimi 4 óńirde (Qaraǵandy oblysy, Nur-Sultan q, Pavlodar, Shymkent q.) ishinara, al 5 óńirde (Aqtóbe, Jambyl, BQO, SQO, Almaty q.) tolyq oryndalýda.
Úsh aımaqta (Atyraý, Jambyl, Qyzylorda oblystary) provızorlyq stasıonarlardaǵy medısına qyzmetkerleri 100 paıyz meduıymdar men úıde qalady. Memlekettik komıssııanyń sheshimi 12 óńirde (Aqtóbe, Aqmola, Almaty, ShQO, BQO, Qostanaı, Mańǵystaý, Túrkistan, Qaraǵandy oblysy, Pavlodar, Nur-Sultan q., Shymkent q.) ishinara oryndalýda, 2 óńir (SQO, Almaty q.) tolyǵymen oryndaýda.
10 aımaqta (Almaty, Atyraý, ShQO, Jambyl, BQO, Qostanaı, Qyzylorda, SQO, Shymkent q., Nur-Sultan q.) karantındik stasıonarlar boıynsha medısına qyzmetkerleri 100 paıyz meduıymdar men úıde qalady. Memkomıssııanyń sheshimin 1 óńir (Almaty q.) tolyq oryndaýda.
QR Prezıdenti janyndaǵy tótenshe jaǵdaı rejımin qamtamasyz etý jónindegi memlekettik komıssııa otyrysynyń 3 sáýirdegi hattamasymen (№9 hattama) myna siltemege ótip tanysa alasyz: